通告: 大蚊廚房差唔多成立咗一年~係時候要轉吓型喇~~~唔駛驚~唔係唔煮~每日一post仍然維持，食譜亦會提供，只係煮嘢食嘅模式會有少少改變!
大蚊不嬲都係"holiday chef"，襯假日密密整~不過最近嘅煮飯模式改變咗，最近日日煮~煮黎第二日帶飯食! 要留意，我唔係煮晚飯煮多d番番第二日食，而係夜晚專登開爐煮定第二日嘅lunch!!! 我諗我真係鍾意煮嘢食鍾意到痴咗線喇!!
帶lunch box 原因有好多:-
- 大蚊鍾意煮嘢食!
- 慳錢!
- 可以加多D菜! 較健康!
- 冇咁肥膩! 熱氣! 冇咁多油!
- 公司附近食店食咗幾年已經厭喇!
- lunch多d自由時間~因為慳咗好多排隊搵位時間!
太多好處不能盡錄喇! 烹飪，已經由興趣變成嗜好，帶飯計畫都實行咗一陣子架喇~之前d焗批焗飯都係其中作品~都幾誇張架~哈哈~希望可以keep住呢個生活模式啦!
之前講嘅唔同模式主要係d食材同款款式~粥粉麵飯類應該會多~始終點都要有d澱粉質落地肚~另外食材可能連續幾日都係嗰幾款~好似之前連續兩日出三文魚post咁! 因為一人份量好難食得晒d食材~不過就盡量會做多d變化! 歡迎大家提供意見啊!
講番今日整嘅lunch，冇咁誇張，係比較typical嘅"帶飯餸"~而最正嘅地方係平! 午餐肉、粟米係琴晚整魚批剩嘅~菜甫又係食剩~出隻蛋就炒到個餸出黎喇~好慳家!
料太多，蛋份量唔夠，不過一個人食唔能夠食咁多蛋~炒咗一隻蛋就算!
精美食譜:-
食譜來自: 大蚊
F
回覆刪除