2007年9月22日 星期六

暫別......

 

 
自今年4月開blog以來,承蒙各位支持,"廚女廚房"業務蒸蒸日上,累積瀏覽達8萬,人次超過2萬,訂閱者過百,多謝各位愛戴!

2007年9月19日 星期三

煎釀豆腐

 


佢好鍾意食豆腐,又鍾意食煎釀三寶,兩者合二為一就係煎釀豆腐喇!
唔太喜歡鯪魚肉,改咗用豬肉,掘洞唔硬太深,驚煎唔熟d肉呀!
d肉釀得唔夠多~我知D肉會縮,但又驚放太多會滿瀉~~結果少了一點~~~
乾了一點,但味道不錯~唔駛點醬都夠味!
好值得推介嘅家常小菜!

精美食譜:-



食譜來自:
菊姐

2007年9月16日 星期日

月餅~製成品~~~~


 
 靚嘛?
我好滿意個製成品呀! 新鮮出爐嘅脆皮月餅原來係咁好味架! 個皮勁脆,好似食緊蛋撻咁!

2007年9月13日 星期四

椒鹽多春魚


 

好惹味呀!
仲未識煮"真正"嘅魚類餸菜,極其量都只係煎過魚柳~今次就試吓整急凍多春魚!

2007年9月12日 星期三

朱古力芝士蛋糕 Chocolate Cheese Cake

 


 

 
 
上次整朱芝失敗咗,決意要整多次!
結果都係再失敗......其實唔係話唔成型,只係唔滿意個味道囉!
見d blog友話朱力+芝士味道好夾,我就淨係食到甜味,甜到漏呀! 後尾諗通咗,可能因為我係用牛奶朱古力,糖又照落,結果咪過甜囉......
下次要記得用黑朱力呀! (如果仲夠膽整嘅話!!)

調溫仍然做得不好,下面張相係原本個設計,但失敗了~臨急買番麥提莎補鑊!

中間個裝飾倒下了,全部朱古力出緊水~~

今次個蛋糕係整俾兩個生日嘅同事食架! 好彩只係整咗6吋,細細地每人食少少 (真係好少!)咁就唔覺好漏啦!)


切蛋糕嘅時候台型差d,始終太細,唔夠大體囉! 不過兩位壽星仔都唔介意嘅! d同事要求我下次整大個d,我淨係話"少食多滋味呀",輕輕帶過!
佢地勁讚個味道,意想不到呢! 唔通個蛋糕冇事,係我味覺有問題??

精美食譜:-



食譜來自:
leisure cat

2007年9月5日 星期三

奶茶慕絲蛋糕 milk tea mouse cake

 

 


話說早前去orange beking 掃貨,師奶仔上身掃咗一盒1litre 淡忌廉 (一句講晒: 貪平!), 惡夢就開始啦......

2007年9月1日 星期六

五味豬頸肉


第一次整豬頸肉呀! 切肉秘訣係要斜切,仲要有咁薄得咁薄!都有d 難度呀!
買咗呢個椒,2 條夾埋只係1 蚊,平到唔信!