2010年2月26日 星期五

虎年新春團拜 之 預備篇


本來開party對大蚊黎講唔係d咩難事,衰在乞次係要面對一班大食朋友&超級寒冷天氣! 令到件事變得超級困難!


初七gathering,初四就開始做採購! 特意走去荃灣d baking store買甜品材料,點知去到先發覺全部未啟市!!! 白行一趟呢!!! 結果只係買到上面嘅呢一堆食材......


 



初五喺citysuper再入貨,放工時間真係人山人海呀 @@ ......結果就搬左呢埋食材返屋企,好重呀!!!


初六再戰 Taste,天氣凍 = 菜貴又冇選擇,普通蕃茄 (唔係溫室)都要$20 for 3 個! 最大鑊就係冇豬肉賣!!! 掃到一件不留! 咁冇免治豬肉又點整肉丸同埋千層麵呢??? 又冇排骨,所有豬類都冇!!! 點算呀?????


結果要初七朝早撲落街再買肉,真係好險呢!!


 



寒天洗切煮,就算廚房有暖水洗碗都仍然係咁凍!!! 切菜切肉手都係凍,將d雞肉整串燒就真係推唔到,成隻手冰晒呀 @@...... 不過今次大蚊有比較多時間準備,連續2晚 + 1個全日共十多個鐘企喺廚房煮煮煮,所以準備得好有條理! 你睇下,d食材呀、碗呀都好整齊,冇煮到雞手鴨腳呢!!


 



雪櫃又要面臨挑戰! 20個菜式唔講得笑,結果雪櫃爆咗!


 



大食朋友們光臨後,雪櫃被洗劫一空呢!!!


明天開餐!


 


大蚊廚房10年2月精選菜式連結:-蒜香檸檬烤春雞栗子撻Cooking Class 07 - 韓式晚餐雜菜炒韓式粉絲韓式炒年榚麵醬豆腐魚柳煲Cookie N Cream 小蛋糕一品芙蓉玉帶京都豬扒蛋黃沙拉焗爐魚白蘿蔔煮魚鬆芝士豆腐焗肉醬醸粗通粉冬菜煎豆腐鴻運如意卷年年年榚!兩口子晚餐(volume 6) 團年飯豆苗南瓜瘦肉湯海螺片生菜麵醬炆豬軟骨蓮蓉湯丸干燒明蝦蘿蔔麵醬炆排骨蓮蓉包虎年新春 Tea Party (1)芝麻湯圓


2010年2月25日 星期四

芝麻湯圓


今次個湯圓嘅形狀包得好好多! 都比較似係一個圓球喇!!!不過包湯圓技巧有待改進,d餡料要包得好d,唔好好似而家咁俾d芝麻走咗出黎,令到碗湯受污染呀!!


 



用咗另一個食譜搓粉糰,質感好d六易包d!


 



今次係芝麻餡,味道比較傳統喇! 過牛油味太重,扣咗d分數!


 


精美食譜:-



食譜來自: 呢度


2010年2月24日 星期三

虎年新春 Tea Party (1)


大年初四,有親友自遠方來! 快手準備個tea party呀!!!


來自美國嘅白老鼠表姐大駕光臨,舟車勞動咁多日梗係要煲番碗涼茶俾你飲先得啦!


 



應節食品 - 湯圓!!!


 



自家製年榚! 到初四先有機會試下自己手勢!


 



桂花榚~~~~唔整呢個唔得!


 



謝謝表姐嘅禮物!


 



仲有呢個!!!


希望好快又可以見到妳啦!


 


精美食譜:-


芝麻湯圓


年年年榚!


桂花榚


食譜來自: 大蚊


 


大蚊廚房10年2月精選菜式連結:-蒜香檸檬烤春雞栗子撻Cooking Class 07 - 韓式晚餐雜菜炒韓式粉絲韓式炒年榚麵醬豆腐魚柳煲Cookie N Cream 小蛋糕一品芙蓉玉帶京都豬扒蛋黃沙拉焗爐魚白蘿蔔煮魚鬆芝士豆腐焗肉醬醸粗通粉冬菜煎豆腐鴻運如意卷年年年榚!兩口子晚餐(volume 6) 團年飯豆苗南瓜瘦肉湯海螺片生菜麵醬炆豬軟骨蓮蓉湯丸干燒明蝦蘿蔔麵醬炆排骨蓮蓉包


2010年2月22日 星期一

蘿蔔麵醬炆排骨


麵醬豆腐魚柳煲嘅變奏版! 蘿蔔吸收咗麵豉醬嘅精華,味道好清甜但又好濃郁!


最近比較少煮中餐,煮d菜式出黎又要有肉又要有菜再加上要煮飯,有時都真係覺得幾麻煩! 好彩白老鼠先生唔係"無湯不歡"嗰種住家男人,唔係實有排投訴呀!!


 


精美食譜:-



食譜來自: 大蚊  


 


大蚊廚房10年2月精選菜式連結:-蒜香檸檬烤春雞栗子撻Cooking Class 07 - 韓式晚餐雜菜炒韓式粉絲韓式炒年榚麵醬豆腐魚柳煲Cookie N Cream 小蛋糕一品芙蓉玉帶京都豬扒蛋黃沙拉焗爐魚白蘿蔔煮魚鬆芝士豆腐焗肉醬醸粗通粉冬菜煎豆腐鴻運如意卷年年年榚!兩口子晚餐(volume 6) 團年飯豆苗南瓜瘦肉湯海螺片生菜麵醬炆豬軟骨蓮蓉湯丸干燒明蝦


2010年2月21日 星期日

干燒明蝦


呢個干燒汁整過三次 (干燒焗雞翼干燒豬扒干燒帆立貝),整來整去都未整番原裝"蝦"版本!!


因為而家屋企附近街市d海鮮質素一般,實在唔敢買d"生猛海鮮",價錢唔多老實,只好買呢d"明碼實價"$10兜玩下算數!


d蝦冇去殼就煮,食時有少少麻煩呢! 味道ok,出貓醬汁個味道一定ok架嘛! 加咗洋蔥,送飯一流呀!!!


 


精美食譜:-



食譜來自: 大蚊


 


大蚊廚房10年2月精選菜式連結:-蒜香檸檬烤春雞栗子撻Cooking Class 07 - 韓式晚餐雜菜炒韓式粉絲韓式炒年榚麵醬豆腐魚柳煲Cookie N Cream 小蛋糕一品芙蓉玉帶京都豬扒蛋黃沙拉焗爐魚白蘿蔔煮魚鬆芝士豆腐焗肉醬醸粗通粉冬菜煎豆腐鴻運如意卷年年年榚!兩口子晚餐(volume 6) 團年飯豆苗南瓜瘦肉湯海螺片生菜麵醬炆豬軟骨蓮蓉湯丸


2010年2月20日 星期六

蓮蓉湯圓


團年飯點可以少得一道精美甜品呢??? 呢個湯圓係臨場創作,炆緊豬軟骨嘅時候抽空整架!!


 



包湯圓有點雞手鴨腳,粉糰太濕又冇咩彈性,好易爛呀!!! 最後包出黎嘅湯圓賣相奇差 @@


 



滾起喇! 麵糰脹番少少不過個樣都係唔係好得.....唔夠皮光肉滑呀!!


 



餡料又係蓮蓉....其實呢個又係清貨之作!!!


 



祝大家甜甜蜜蜜!


 


精美食譜:-



食譜來自: 呢度


 


大蚊廚房10年2月精選菜式連結:-蒜香檸檬烤春雞栗子撻Cooking Class 07 - 韓式晚餐雜菜炒韓式粉絲韓式炒年榚麵醬豆腐魚柳煲Cookie N Cream 小蛋糕一品芙蓉玉帶京都豬扒蛋黃沙拉焗爐魚白蘿蔔煮魚鬆芝士豆腐焗肉醬醸粗通粉冬菜煎豆腐鴻運如意卷年年年榚!兩口子晚餐(volume 6) 團年飯豆苗南瓜瘦肉湯海螺片生菜麵醬炆豬軟骨


2010年2月19日 星期五

麵醬炆豬軟骨


炆咗好耐d骨都唔軟呀!!! 點解會咁架!!!


團年飯要有肉,所以揀咗呢個餸喇! 食落真係啖啖肉呢!!! 真係大蚊嘅至愛!


味道就穩穩陣陣,麵豉醬真係好好用嘅調味料,味道討好又惹味,係送飯之選呀!!!


 


精美食譜:-



食譜來自:Pucca


大蚊廚房10年2月精選菜式連結:-蒜香檸檬烤春雞栗子撻Cooking Class 07 - 韓式晚餐雜菜炒韓式粉絲韓式炒年榚麵醬豆腐魚柳煲Cookie N Cream 小蛋糕一品芙蓉玉帶京都豬扒蛋黃沙拉焗爐魚白蘿蔔煮魚鬆芝士豆腐焗肉醬醸粗通粉冬菜煎豆腐鴻運如意卷年年年榚!兩口子晚餐(volume 6) 團年飯豆苗南瓜瘦肉湯海螺片生菜