大蚊廚房 : 3月 2008

2008年3月31日星期一

準備篇- 大食會@1週年

大食會由大蚊一手一腳籌備咗咁耐，都應該寫番一個"準備篇"同大家分享吓!

大食會@1週年

大蚊廚房1週年終極挑戰 - 大食會!

人數: 10位好朋友

菜式: 大蚊廚房出現過嘅菜式!

大廚: 大蚊!!!! daimonmaplerecipe

結果，大蚊就用4日3夜嘅時間整咗呢15款菜式出黎喇:-

感想: 任務完成! 多謝各位好友對大蚊嘅支持! 大蚊會再俾心機架喇!

2008年3月30日星期日

蛋黃汁菠菜扁意粉

靈感湧現，創作咗呢個意粉!

2008年3月29日星期六

韓式炒粉絲

整咗南洋炒粿條之後都係對韓式粉絲念念不忘，走去金巴利街買咗包粉絲返黎! 嗰度有好多韓國食材鋪頭，幾多嘢睇~不過當日係同白老鼠先生一齊去，咁我買完就急急腳走喇!

粉絲味道滑好多，食落亦冇咁多油! 今次我加咗冬菇~其實係我第一次煮冬菇呢! 味道都ok!

韓式粉絲個樣:-

500g賣20蚊，citysuper要36蚊! 梗係唔捨得買啦!!

我浸咗佢，煮滾再過冷河，跟住就可以放湯/炒架喇!

精美食譜:-

食譜來自: 大蚊

2008年3月28日星期五

南洋炒粿條

大蚊嘅lunch box唔可以咁單調! 我要將帶飯變成樂趣!!!

2008年3月27日星期四

香草午餐肉炒蛋

通告: 大蚊廚房差唔多成立咗一年~係時候要轉吓型喇~~~唔駛驚~唔係唔煮~每日一post仍然維持，食譜亦會提供，只係煮嘢食嘅模式會有少少改變!

2008年3月26日星期三

白汁三文魚酥皮批

三文魚琴日用咗一塊，今日就用埋另外一塊!

2008年3月25日星期二

香草蕃茄三文魚通粉

三文魚!!! 好正~好好味! 今次呢隻係鮮三文魚! 唔係冰鮮唔係急凍! 味道更好!

2008年3月24日星期一

白汁帶子焗飯

第一次整白汁焗飯!

主角用咗新鮮帶子，大大粒~襯特價就買咗!

2008年3月23日星期日

西蘭花芝蛋批 Crustless Broccoli Cheese Quiche

美好廚房又有好介紹! 個名又好吸引~賣相都好得!

2008年3月22日星期六

蒜香雜菜螺絲粉

極懶，只想煮飯但唔想買餸~又搵晒雪櫃裡面嘅剩餘物資出黎"大兜亂"!

2008年3月21日星期五

奶皇窩餅

大蚊自創甜點，概念來自豆沙窩餅~~~勁好玩呀!!

2008年3月20日星期四

豆漿海鮮飯

火都黎!

極優雅嘅"扮意大利飯"，就係俾天真同傻嘅白老鼠先生摧毀了!!!

2008年3月19日星期三

香芒比目魚

超難食! 食咗一啖之後放棄了.....

2008年3月18日星期二

白蘿蔔藍青口湯

用剩了白蘿蔔，打算用黎煲湯~搵到個食譜係用蜆黎煲架~不過臨時臨急，邊有時間俾佢吐沙?

2008年3月17日星期一

煙三文魚中華沙律

攞晒雪櫃嘅剩餘物資黎整呢個冷盤，材料唔算特別，今次想講吓個汁~

個汁調得幾好味~多謝美好廚房嘅食譜~佢成日都自製醬汁，幾樣簡單嘅原料又俾佢撈到好多款汁出黎! 掂呀!!!

如果就咁買樽沙律汁返黎，睇怕我都係用一次之後就到佢過晒期都唔知~咁樣做法成本十分高昂~又好浪費呢!

得閒要多d偷師，學吓點樣"大混醬"!!

精美食譜:-

食譜來自: 美好廚房

2008年3月16日星期日

綠茶芝士蛋糕 Green Tea Cheese Cake

呢個其實係同之前個芝麻芝士蛋糕 Sesame Cheese Cake 一齊整架~冇辦法~日子走埋一齊~惟有連開3晚工整2個蛋糕!

2008年3月15日星期六

豆腐春卷

早前整雜果春卷用剩了春卷皮，又試吓攪d新意思!

2008年3月14日星期五

咖喱豬皮蘿蔔魚蛋

大蚊小食店又有新作品! 咖喱豬皮蘿蔔魚蛋，一聽到個名已經食指大動喇!

2008年3月13日星期四

鯪魚石榴包

一睇就知~大蚊係為咗呢個賣相先整呢度菜!!

2008年3月12日星期三

台式肉燥飯

大蚊偶有超水準之作!!!

2008年3月11日星期二

XO醬片片小炒

賣相有點搞笑......不太似一個餸.....哈哈~

2008年3月10日星期一

三色炒蛋

幻想中一道十分美好嘅餸菜.....結局係大部份都倒掉了.....

2008年3月9日星期日

芝麻芝士蛋糕 Sesame Cheese Cake

相識後第11個生日.......................

走在一起的第6個生日...........................

送給你的第4個生日蛋糕....................................

生日快樂!

希望你喜歡.......味道香濃的芝麻芝士蛋糕 ..............................