喺舊同事SW偷師番黎，話說有一次大食會SW整咗呢個返黎，大蚊真係對佢(個餸&個人)驚為天人! 識煮嘢食嘅男仔真係好正!!哈哈!!
言歸正傳，首先介紹呢個餸嘅靈魂 - 米紙! 呢種食材原來都幾common，大蚊喺樓下間華潤都有得賣，$6.9已經大大包，Citysuper都只係賣$5!
米紙質地係脆架，要用暖水浸一浸先會變軟，之後放喺膠帖板都唔痴呢!
材料有紅蘿蔔 & 蟹柳，師傅話一定要有芽菜，不過放工夜麻麻邊度搵到芽菜呀......包包下又覺得好空洞，Celia就提議加米粉or芋絲! 好彩大蚊有一包芋絲喺雪櫃看門口! 真係一拍即合!
佢包包下仲話有軟殼蟹就正喇! 大蚊即刻 @@........
包嘅時候塊生菜要細過米紙，咁樣捲埋嘅時候d米紙先有位俾佢收口，明白未?
師傅話包好之後要"濕刀斜切"! 又多個tips喇! 收到收到!
個sauce 又係師傅指明嘅! 米醋 citysuper有售，$27一枝好貴呀!
好成功呀! 好靚好清新嘅菜式!
精美食譜:-
食譜來自: SW
沒有留言:
張貼留言