楓糖鮮菌炒蘆筍

 

西式材料，中式煮法，出黎效果都唔錯吧???!!!

露荀味道鮮美，以前只係識用佢黎包火腿(火腿露荀卷 伴 芥末蜜糖汁 + 紅莓醬)，原來當普通菜類咁炒又ok架喎!!

鮮菌口感亦十分好，質素無論如何都比罐頭蘑菇優勝! 大蚊以前為咗慳錢，買餸時盡量會搵d平d嘅食材，而家就慢慢識得欣賞唔同嘅食材，都會試吓買d新鮮d/ 貴d嘅去試吓! 大蚊唔係"有機食物"信徒，亦唔會盲從"貴就係好"嘅方向，比較之後，有d食材要買貴d先得，但又有某d平d嘅食材都有可取之處架!!! (不過好多時d西式新鮮食材都係"有機"類....感覺係硬食囉...哈哈~~~)

其實要花咁多時間去準備一個菜式，花多少少錢可以煮出更好味道，都係好值得嘅 ~~~~



精美食譜:-

食譜來自: 大蚊