學生係C，咁熟就唔收係學費啦! 上堂之前遙控咗C去買材料，佢又再遙控咗R落灣仔買喎! 最後去二記買咗呢一 pack 材料返黎:-
真係抵佢咁多人幫襯! 呢個PACK真係平靚正!
大蚊前年都整過一次 (情人節軟心朱古力)，味道都OK架! 今次玩呢隻就相對簡單! 唔駛睇份量，溶好朱古力，加紅莓/提子乾就搞掂!
浸酒中! 好大陣酒味呀!
朱古力順利完成! 加埋靚靚紙盒真係好得! 白朱甩模好靚，第二輪黑朱就唔太OK....C仲安慰大蚊，話raw d仲好，似係DIY 喎........又俾佢兜到喎!!!
精美食譜:-
食譜來自: 大蚊
我表妹都有買黎整呀...但佢唔多飲酒,所以d提子乾無浸酒... 但我同屋企人唔係好夠膽食.....(因為全程我都睇住佢整...)哈哈哈哈!!!
回覆刪除[版主回覆02/24/2009 20:39:00]都係架! 不過最緊要佢心上人見唔到個製作過程!!!哈哈哈!!!
我想問..朱古力點先甩模甩得令d.? 前排我整左d朱古力.. 甩唔到模呀..哈哈!! 我睇個食譜話擺入雪櫃2分鐘就要拎返出黎.. 我擺擺下唔記得左拎返出黎呀 最後自己拎刀又挑又剷先食到..唉..失敗 之後轉左整朱古力士多啤梨.. 點知d朱古力吾痴個士多啤梨喎.. 一咬就分開哂..唉-_-
回覆刪除[版主回覆02/24/2009 20:31:00]其實....我都唔知呀! 個譜就叫係掃olive oil先，個模就要洗得好clean，整乾晒先入模!
我比較少整朱古力呢! 通常整少少for cake decorations 架咋! sorry!
I know who is Student "C" hahahahaah
回覆刪除Agreed that White Chocolate look better..hahaha.
Both Mr. P and me not "very like" Chocolate so that I won't do a handmade chocolate to him..hahaha....
[版主回覆02/24/2009 20:28:00]我自己而家唔太喜歡整朱古力喇! 因為好麻煩，整嘅溫度/份量/手勢煩，洗就更煩! 為咗C，玩一次咁多~哈哈!
搭咀, "但佢唔多飲酒,所以d提子乾無浸酒...", 提子乾要浸過酒先'林', 如果唔係會硬架, 食出黎應該無乜酒味架咋
回覆刪除[版主回覆02/28/2009 10:56:00]你整開呢d乾果類，果然係有d心得呀!!!!我以為係為咗個名勁d先加落去! @@
大蚊妳好。唔知可唔可以麻煩妳比 "二記" 嘅地址我呢？謝謝。因為我都好想整下朱古力同 Cake 呀。
回覆刪除[版主回覆05/19/2009 20:31:00]www.twinsco.com
荃灣，油麻地，灣仔都有!!