十分經濟嘅一餐! 煮呢個名菜原來可以好簡單!
兩個人食唔晒成隻雞，超市買一pack 2隻雞脾($16.8)份量剛好。個油飯係用下面個醬料包($10)整架! 加埋d配菜 ($6)，兩個人已經食到飽飽喇!
雞嘅製作過程好簡單，不過整出黎都有血水，白老鼠先生好驚，要加叮先敢食~~~
雞肉好滑，呢個"冰火煮"真係幾得喎! 不過大蚊唔識斬雞，所以......斬得好奇怪!
個飯煲剪綵喇! 第一煲仲要係煮油飯! 唔係太識預米量 & 水量 (說明書都冇寫!)，煮出黎唔夠乾身，味道就夠嘅! 個飯煲暫時未有位擺.....所以.......放咗喺廳嗰度煲!
辣椒醬原本譜係用新鮮辣椒仔，不過唔想side錢買一大包返黎又用唔晒，所以自行改咗用tabasco!
精美食譜:-
食譜來自: 呢度 & 呢度
呢種煮雞脾法作用係咩?咁複雜既?唔駛調味架?
回覆刪除[版主回覆03/05/2009 23:32:00]好似...話係等d雞肉收縮得好d!
我開頭覺得少少煩...不過又幾得意喎! 浸浸下又熟咗!!
我用冰鮮雞，冇調味呀! 之後先加鹽 & 麻油!
我阿媽話煲飯大概係一嘜米. 一嘜水喎
回覆刪除不過當然唔同米又有少少唔同LA
[版主回覆03/05/2009 23:33:00]我好煩啊! 煮咗2次都好水汪汪!!!
電飯煲裡面有一格格. 我以前會跟. 例如一杯米, 就跟佢個"一杯"格放水. 飯係煮得剛剛好的. 你可以試吓如果你個電飯煲同我講嘅係similar.
回覆刪除[版主回覆03/05/2009 23:33:00]我睇晒說明書! 都冇講個份量! 激死我!!! @@
Hello, 大蚊，我係Mandy呀，請問你果包海南雞料係邊度買架?? Thanks.
回覆刪除[版主回覆03/05/2009 23:34:00]海港城惠康! 好多大少少嘅supermarket都應該有!!
咁係邊度買架個汁?
回覆刪除我都想試下整..
[版主回覆03/05/2009 23:34:00]海港城惠康! 好多大少少嘅supermarket都應該有!!
你煮既野食真係好正..睇落去以經好靚,..我林會好好味的^^
回覆刪除[版主回覆03/05/2009 23:35:00]多謝讚賞!!!!我會再努力的!!!
ＣOＰY 左張相..
回覆刪除ＰRＩNＴ左出黎..
咁就可以認住去買喇︰)
[版主回覆03/09/2009 20:10:00]加油! 我見好似都有幾個牌子，你即管試下啦!!
我想問如困我唔用雞脾用一件件既雞胸整出左泥個口感會唔會好難食,,,唔滑
回覆刪除[版主回覆03/09/2009 20:09:00]雞胸係急凍? 要落d粗鹽去咗d雪味!
我成日都用雞胸整嘢食，但都係煎囉.....蒸雞同呢個 (即係中式菜式)就用冰鮮 or 街市嗰d! 我諗味道唔會太差? 唔好過火就ok喇!!