大蚊廚房(03) 之 絕世好架~~~

要喺大蚊廚房煮得就手又方便，絕對唔少得一d"好架"幫幫手架!



(上圖) 三層不鏽鋼調味架 $135

size絕對係大! 大蚊已經買咗雜貨鋪入面最大嗰個架! 物料有3個選擇，呢個最靚~(佢話)係不鏽鋼; 另外兩隻係膠黎嘅~

以為個size真係好大，點知第一日己經放滿! (連頂層都塞爆喇!)

加工: 大蚊plan緊會加番d墊底紙，據聞好易會整到d油漬呀咁架!!!

2. 兩層不鏽鋼碗架 RMB79

大陸吉之島買嘅碗架~~~有2層，底部有tray接住d水，一邊掛咗刀叉架，另一邊仲可以有個組件掛杯~不過大蚊就冇整出黎~~個架幾實淨，容量都幾高架!

後尾呢發現香港吉之島都有賣呢套架~一模一樣架~~~~最近做緊特價 $169--> $139!!!

而家兩個架咁樣放~~~size真係預到好貼架!

3. 四層不鏽鋼煲蓋架 $35

好好用! 廚房細呢冇咁多位放煲蓋~用呢個真係慳唔少位架! 大蚊廚房而家有3個鑊/煲， "煲蓋3兄弟"look 係咪好整齊呢?? 條掛通真係好有用! 用法仲好flexible 呢!

大蚊廚房嘅setting一日比一日完善~下次會再同大家分享吓其餘心得!!!今日冇精美食譜喇! sorry!

大蚊廚房09年1月精選菜式連結:-夢想成真 之 大蚊廚房 (2)、香辣吞拿魚沙律小多士 (麥味)、mass production 之 肉丸山 @@、House Warming 01 之 準備篇、House Warming 01 之 開餐篇、蒜蓉炒雜菌、芝士忌廉焗青口意粉、檸檬柚子蜜大菜糕、吞拿魚沙律 & 蛋沙律小多士 @ House Warming 02、House Warming 03 之 物流篇、House Warming 03 之 準備篇、House Warming 03 之 餐前小食篇、House Warming 03 之 開餐篇、脆脆肉丸、焗肉醬意粉、白汁焗帆立貝螺絲粉、煙肉粟米焗薯蓉、檸檬柚子蜜大菜糕 (改良版)