大蚊有個好勁嘅任務! 要喺09年元旦日要為白老鼠先生嘅十幾個同事搞大食會! 為咗呢個party大蚊真係好緊張!
(上圖係準備當天買嘅蔬果! 好多顏色好健康架!)
預早半個月擬定嘅餐單!
因為一d原因，大蚊要喺白老鼠先生屋企買晒d材料，整定少少菜式先將佢地運送去新居繼續整! 所以呢今次個大食會post 多咗個"物流篇" 喇!
準備咗好多紙箱，呢個盒呢就係"蔬菜部"喇!!!
呢個盒同埋個膠袋就係"凍肉部"，運輸完都未解到凍!
塞滿咗一架7人車!!
換個角度睇! D物資實在太多太多喇!
搬晒D嘢落車，頂唔順都係要借架車仔搬上樓!
其實唔係全部盒都裝住D食物~~~~大家可以見到D新屋物資啦 (吸塵機)、party用品啦 (麻雀枱、球拍等等)，其餘大部份都係食物&食具喇! 左下角紅白藍袋入面就有個新煲喇!
成個搬運程超級狼狽，當我地搬嗰個粉藍色盒上車仔時，個盒穿底! 裡面d 罐頭&雞蛋跌晒出黎! 好樣衰...........
明天繼續報導食物準備篇!
大蚊廚房09年1月精選菜式連結:-夢想成真 之 大蚊廚房 (2)、香辣吞拿魚沙律小多士 (麥味)、mass production 之 肉丸山 @@、House Warming 01 之 準備篇、House Warming 01 之 開餐篇、蒜蓉炒雜菌、芝士忌廉焗青口意粉、檸檬柚子蜜大菜糕、吞拿魚沙律 & 蛋沙律小多士 @ House Warming 02
仲緊要過搬家喎
回覆刪除[版主回覆01/10/2009 15:15:00]真係搬屋時都唔知點算! @@
嘩-0-好多野xd 我整戈d桂花糕..反應真系差得遠ah.. 我上次整左兩盒.. 一盒我拎左返學.. 冇乜人食.. 差不多成盒丟哂- - 另一盒我阿媽拎左返公司.. 俾人搶哂仲大嗌encore.. 真可怕-_-
回覆刪除[版主回覆01/13/2009 22:20:00]所以要慢慢調較口味! 你要加油呀!!!
嘩，買餸用左好多膠呀，下次帶幾個環保袋出去買啦，救救地球呀。
回覆刪除[版主回覆01/13/2009 22:20:00]我拿架買餸車&膠袋出去架!不過急凍嘢一定有packing，菜檔又好多時佢地自己"稱"完又即刻裝落袋...............
真係頭都痕埋
回覆刪除[版主回覆01/13/2009 22:18:00]整多幾次習慣咗喇...........哈哈
好大陣仗喔 要整幾多人份
回覆刪除[版主回覆01/13/2009 22:18:00]15人份........
如果咁多人........我會選.........打邊爐/bbq
回覆刪除[版主回覆01/13/2009 22:35:00]i hate 打邊爐!!! & 我唔食牛架!
bbq 要落會所........咁warm唔到間house...哈哈哈~~~
嘩，最佳女朋友呀！又買又車又洗又切又煮！你男朋友點樣報答你呀？
回覆刪除[版主回覆01/14/2009 23:32:00]佢話: 不如都係叫pizza! 唔駛煩!
@@
wah maple, 我而家睇返先知當日我地食既野你用左咁多時間心機去安排。真係非常佩服。你O個日整的野食好好食呀!!!
回覆刪除Ying
[版主回覆07/26/2009 12:03:00]Ying, 唔好客氣啦! 最緊要大家食得開心嘛!! 得閒再上黎食嘢啊!!
maple