Hinki 生日快樂!
希望你鍾意個蛋糕....雖然我好似整得唔係太好味...
我d朋友嘅生日日期成日撞埋~其實咁耐以黎都只係整過廿幾個蛋糕，但今次已經係第3次同一日要整好2個蛋糕喇! 要諗吓整唔同款啦! 時間又長咗啦! 連帶出街都好麻煩!
今次呢個整得唔係太好....原因(1): 青蘋果mousse唔多好味; 原因(2):個朱古力醬整得好樣衰......
青蘋果果蓉係真係果蓉黎架! 唔夠滑溜，食落好似未攪勻咁!
仲未買溫度計，唔想溶朱古力，懶醒走去買咗支用黎裝飾嘅朱古力醬(即係人地喞喺pancake/雪榚面嗰d)...哈哈哈...喞出黎化晒，雪極都唔溶...我諗我係搞錯咗d嘢...唔通嗰d唔係朱古力???
一個怪怪嘅"旋風圖案"......
今次都係用消化餅底，但有d淋，何解? 因為個mousse漿太稀???
mousse食譜來先: 小鈺
同場加映: 禮物 A-Z cookie cutters~好cutie~
有個鐵箱裝住架~好似盒玩具咁!
貪玩砌字~~~
Hinki，我想食真嘅 LOVE COOKIES 呀!!!
好靚的蛋糕, 我都想試下整.....你要用幾多時間去整架
回覆刪除[版主回覆10/14/2007 23:59:00]淨係蛋糕我諗個零鐘啦! 主要睇吓你熟唔熟手~整多幾次就越黎越快架喇! 加油!
個曲奇模真係好靚!!
回覆刪除個蛋糕睇落唔似青萍果.可能個感覺成日諗住青綠色 但個朱古力花我又覺得冇問題.幾靚咁
我今個月都好忙.要整七個蛋糕呢..
[版主回覆10/15/2007 00:01:00]如果我有焗爐，我都會買個模呀!可惜..................
今個月我好少少，可以休息吓呢!!!你要努力!!
點解啡色既?
回覆刪除你仲唔覆我既>< 黎唔黎呀><"
[版主回覆10/15/2007 00:03:00]氧化咗???
唔好意思呀! 因為我仲未confirm到我嗰幾日紅日會唔會喺香港，要過多2日先知道! sorry呀!
做法好簡單,I like it!
回覆刪除[版主回覆10/14/2007 23:46:00]係呀! 你可以用任何果蓉/果醬去整! 個formula好簡單!
好想食一件呀。
回覆刪除[版主回覆10/14/2007 23:44:00]隨便唔駛客氣!
我果日去左信和果間買野，見到d青蘋果真係綠好多ga~~~~
回覆刪除[版主回覆10/14/2007 23:43:00]期待你嘅青綠色青蘋果蛋糕!
唔緊要~^^ 你覆返我就得喇
回覆刪除我無買青蘋果果蓉呀，不過買左1KG熱情果果蓉，有排整呀~ WAHAHAHA~~~
回覆刪除[版主回覆10/15/2007 13:54:00]嘩! 咁熱情!!?
我無買青蘋果果蓉呀，不過買左1KG熱情果果蓉，有排整呀~ WAHAHAHA~~~
回覆刪除硬係覺得青蘋果好難整得好食, 可能覺得酸掛
回覆刪除[版主回覆10/15/2007 14:13:00]果蓉唔酸~係冇味!!! 好難搞呀!!!
明白
回覆刪除[版主回覆10/16/2007 20:55:00](Empty)
我整moose既時候有個好奇怪既情況出現左,我攬好哂d野,倒入個模度既時候,佢一d都唔"傑",水水地咁樣,擺左雪櫃雪左勁耐都唔硬,一脫模就最後雪入冰箱,硬哂,好似冰咁,可唔可以話我知點解呀><
回覆刪除[版主回覆12/20/2007 20:53:00]雪櫃唔夠凍??雪冰箱唔可以太耐架! 所以咪結冰囉??
應該唔會呀,佢係雪完岩岩拎出黎果陣都ok既,但好快就溶哂啦,變成一pet pet
回覆刪除[版主回覆12/21/2007 23:15:00]咁奇怪???或者係凝固得唔好，會唔會試吓用第二隻魚膠粉/魚膠片???
會唔會係我打d cream打得太過火呀??我聽人講話打得太過企身會變水嫁wo,究竟點樣先為之打得ok呀d cream
回覆刪除[版主回覆12/25/2007 23:32:00]打到7成，d人話係軟雪榚狀，不過我覺得唔好打到咁樣，好易打多咗，我自己就 座凍水打 ，打到支攪拌棒可以點起d cream 唔係點跌落黎就ok!
同埋我自己通常會第一個step先打cream，打好雪番落雪櫃，到用先攞出黎，感覺上好d!