好肥呀舊骨!!!
好耐冇去街市買餸~唔係好記得點買呀!! 平時肉檔個阿哥又唔喺度~咁我就話要"一斤一字骨"....嘩!原來咁多架??? 呢個阿哥仲切舊肥滕滕嘅俾我......激氣呀~~~~~~
糖醋骨通常都係煎嘅，不過我去完旅行返黎肥咗(但係冇靚咗!)，咁就健康少少炆咗舊骨佢啦! 其實...佢本身咁肥........都唔差得幾遠呢.............
個汁嘅味道ok~不過肉質就唔得，好鞋! 係我醃得唔好定係煮過頭呢??
佢唔多喜歡呢個餸~不嬲都唔鍾意食呢類嘢~~~但我就超鍾意食囉! 就算鞋我都係咁食係咁食呀!!!
精美食譜:-
食譜來自: 呢度
米女廚房10月精選菜式連結: 海鮮雜菜煲、肉碎炒絲瓜、蜜糖黑椒雞搥、草菇玉子扒西蘭花、奇異火龍炒牛柳粒 、雜錦雞粒豆腐甫、什錦火腿冷麵、蒜茸粉絲蒸勝瓜、節瓜鹹蛋肉片湯
咁肥都鞋?? 糖醋勁好味law .酸咪咪
回覆刪除[版主回覆10/24/2007 09:40:00]係囉! 都唔明點解! 有糖醋汁我可以食多碗飯呢~~~
好想食呀, 不過真係幾肥下喎, 但係會照食只係唔食 d 肥膏囉!
回覆刪除肉 "鞋" 可能煮過頭, 又或者 d 肉唔靚囉!
[版主回覆10/24/2007 09:48:00]d 肉唔靚!!!? 成30幾蚊...好貴.....又做了魚腩.......
買斤蝦黎煮好過~~~
糖醋係我至愛~ 開胃好多~!
回覆刪除[版主回覆10/24/2007 10:39:00]好耐之前我去上海旅行，通常d人唔鍾意食團餐架嘛~咁我就食埋佢地嗰份! 糖醋魚同糖醋骨都超正!
我個食譜唔洗醃ka! 可以慳番d時間... & 我會cut晒d肥膏, 因為cut肥膏易過減肥膏好多
回覆刪除[版主回覆10/24/2007 14:12:00]其實...我都搵到d食譜唔 駛醃架 ….. 咁我 ” 凝 ” 住佢係寫漏咗 … 我驚 d 骨唔醃會冇味，所以係咪都醃咗佢先 !!!!!
肥膏而家喺我嘅腩位 …”meet” 唔到出黎 !
見你煮咁多好餸都好想整呀, 但我報左好多蛋糕班要上...
回覆刪除我諗要下個月先可以有時間煮飯仔啦!
[版主回覆10/24/2007 14:12:00]你就好啦! 可以上蛋糕班~~~~我上過幾次，覺得都幾貴呀!!!
又真係幾肥咁喎. 不過我都好鍾意食甜甜酸酸既餸, 你識唔識整生炒骨呀?
回覆刪除[版主回覆10/24/2007 14:14:00]生炒骨係終極肥肥菜喎!!! 我唔敢整呀!!!
我記得Form 2 時家政堂整過一次~阿Miss 個譜唔多掂~唔係太好味!
我唔驚"鞋", 味靚, 請舊我食啦?!
回覆刪除[版主回覆10/24/2007 21:55:00]你咁賞面~梗係冇問題啦!!!!!
肥咗唔好鬧我呀!!!
買排骨或豬肉我只買十文 , 夠食一星期, 通常半肥瘦好食d 架喎, 你個炆排骨睇落幾好食咁, 用五花腩會唔會好d 呢? 我未炆過排骨呢, 次次煮排骨頂多十零分鐘都乾晒水, 經常濃底添
回覆刪除[版主回覆10/24/2007 22:11:00]我都想蒸排骨呀! 豆豉排骨唔錯!
可以擺一星期嗎???
變態阿媽之~~新成員
回覆刪除~~~~~~~~~~~~~~
我鍾意食na個
[版主回覆10/24/2007 23:12:00]估唔到咁多姊妹都鍾意呢個餸~仲驚大家好抗拒食肥肉!
車, 您咁瘦唻講, 肥少少係唔覺既~
回覆刪除[版主回覆10/28/2007 00:04:00]唔係呀~呢輪好有肉呀.....