話說星期五下午時份，突然好想食香茅豬扒，於是即刻走落citysuper買! $7 有6-7條啦~心諗都好似貴貴地~不過驚屋企樓下間惠康冇得賣~咁就俾咗7蚊喇~
返到屋企間惠康買豬扒，順便望吓，原來都有香茅賣，竟然賣$8.9!!! (差唔多份量~)我又賺咗喇~哈~
豬扒好厚，驚佢唔熟，所以我批開咗一半變成6塊，但媽媽話咁樣太薄唔好食呀! 又做了蠢事!
唔知係咪因為加咗蛋白嘅關係，煎嘅時候好痴底，個鑊黑晒呢~
配埋白飯~賣相不很吸引，仲要俾媽媽串我:"煮咁耐就係煮碟頭飯?!"!!!!
味道好一般呀......唔講都唔知係香茅味道~後尾睇返何太個blog，佢d香茅切得薄d，或者要咁樣d香茅味先出得到???
又冇乜汁喎，搞到個飯變成"豉油碟頭飯"......
我仲有香茅枝剩番呀...唔知可以擺幾耐呢? 希望下次可以整得好味d啦!
精美食譜:-
食譜來自: 何太
lt looks quite delious!
回覆刪除[版主回覆10/31/2007 12:11:00] Wanna try one?
香茅豬扒配埋白咖喱就正了
回覆刪除[版主回覆10/30/2007 14:09:00]泰式風情呀~可惜大蚊店冇白咖哩磚賣~
大蚊:香茅豬扒我冇整過呢，香茅我都係用過嚟整咖喱雞咋~
回覆刪除我昨日post 咗栗子炆雞翼，有時間過嚟坐吓啦
今日好煮意之 － 栗子炆雞翼(附食譜)
[版主回覆10/31/2007 12:06:00]謝謝! 得我過黎先!
我試過醃左 1 晚先出味呀)))))
回覆刪除[版主回覆10/30/2007 14:08:00]如果有時間，醃過夜都好嘅~弊在我次次都係即興，冇咁多時間準備!
好味... 每次去食越南野都會食...
回覆刪除[版主回覆10/30/2007 22:17:00]係呢.....究竟呢味係越南定泰國嘢???
超似街外吃到的碟頭飯，但睇落好似好好味咁噃。
回覆刪除我曾在某間越南餐廳食過這類香茅xx飯會加上一些薑葱做配料，都幾好食。
[版主回覆10/31/2007 12:06:00]唔知整唔整到香茅豬扒檬呢??要凍檬+魚露~超好味呀!!
我入到來就有" 香茅豬扒" ~~~~~~好~~~~~~~~~~~~~
回覆刪除[版主回覆10/31/2007 16:31:00]正唔正先??!