焗爐萬歲! 自創菜式萬歲!
煮嘢食真係好好玩，變化多，又可以crossover，玩極都唔完~今日呢就攞咗d糖桂花出黎玩喇!
買樽糖桂花返黎淨係用黎整桂花榚，今次就試吓可唔可以用佢黎煮餸!
搵咗雞翼同糖桂花做好朋友，攞d糖桂花醃雞翼，焗嗰時再搽上雞翼面~~~好似冇乜香味喎~莫非桂花太怕醜太內歛???
食得! 一啖咬落去~正呀! 因為有糖嘅關係，變咗好似蜜糖燒雞翼嘅效果，不過呢我塗得好薄，唔會好似蜜糖咁杰咁厚，食落去嘅口感係好細緻架! (係咪好勁呢??!)
仲有仲有，加埋桂花清香，味道真係幾特別架! (媽媽話: 邊有人咁樣係咁讚自己架??!)
我連食7隻呀! 真係太好味喇~~~~~~~
有關糖桂花可按: 桂花糖與糖桂花
精美食譜:-
食譜來自: 大蚊
等我都試下先得. 不過以前有人係上海買樽糖桂花俾我, 唔知點解有陣話妹味. 攪到我好耐都唔肯再抬糖桂花呢樣野
回覆刪除[版主回覆12/02/2007 14:32:00]話梅??? 又幾特別喎! 我嗰樽就冇咁嘅味~幾清香架!
我依度冇糖桂花喎！You are really smart!
回覆刪除[版主回覆12/02/2007 14:31:00]
會唔會有乾桂花???或者都得架喎!
糖桂花?? 我唔知係咩黎~ 多謝你又教左我試多一野材料! 我以為係蜜糖tim~ so多謝 小豬碧碧 講左有陣話梅味~~!! 我覺得焗蜜糖雞翼都好好食ga~~下次試下先~
回覆刪除[版主回覆12/01/2007 23:17:00]我post咗條link出黎，你可以望吓!
蜜糖整乜都妹妹味呢!
會唔會好甜呢？ 定係可以當蜜糖咁用？
回覆刪除[版主回覆12/01/2007 23:15:00]相信係可以當蜜糖用~不過冇咁甜，比蜜糖淡少少啦!
我屋企個焗爐係簽咭送架, 好似好兒嬉咁, 但我都想試下呀, 焗蜜糖雞翼得唔得呢？
回覆刪除[版主回覆12/02/2007 14:30:00]冇問題啊~我個爐係儲印花換番黎架~~~哈哈~~~
蜜糖雞翼都可以~我試過加香茅味道都ok!
香茅蜜糖雞搥
呢個我必試吓整
回覆刪除[版主回覆12/04/2007 22:04:00]唔駛客氣!
我冇焗爐,用煎既方法唔知得唔得呢?
回覆刪除[版主回覆12/04/2007 22:03:00]冇問題! 不過蜜糖易燶，要睇火呀!
話者要煎一陣再搽蜜糖??
請問焗爐要用幾多度呢?
回覆刪除Thx!
[版主回覆01/01/2008 22:59:00]我嗰個係多士焗爐，冇溫度較嘅呢....唔好意思呀!