大蚊仍然屬於曲奇初哥，作品時得時唔得......今次效果一般呀.....激氣
其實係同事CC生日，佢唔鍾意咁高調，所以我冇整蛋糕~改為送曲奇呢~~~
冒險整d未食過嘅味道~結果衰咗>.<
出爐時十分美味架~外脆內軟，有少少brownies嘅感覺架~
放涼之後就唔多掂喇.....好硬呀! 情況就好似上次整可可曲奇咁.......唔通係可可粉累事???
至於個形狀，可能大家覺得同我之前整嗰d"隨意型曲奇"冇乜分別，其實呢對我黎講都算係大躍進架喇......我係搓到佢變成長條形再切片...不過佢都仲係好軟，我切佢就變形，結果又變咗不規則形呀!
禮物送出了....希望壽星女明白我嘅心意啦!
精美食譜:-
食譜來自: 呢度
我昨天都整了曲奇. 唔知係咪個唧咀細得滯. 好難唧
回覆刪除要好用力. 唧到我手震. haha
[版主回覆12/19/2007 23:53:00]手震咁慘???你整咗幾多粒呀???
唔緊要喇, 曲奇型狀可以好隨意麻....味道好 ok 咪得囉...或者可以學下 oreo 咁沾下牛奶先食都得啫
回覆刪除[版主回覆12/19/2007 23:29:00]其實我冇試過orea用奶食~係咪真係好好味架??
你要放入冰格雪硬左先切片ga~~ 太硬可能係牛油打過籠喇~~ 定係粉過多？ 試下 呢個譜 丫，都可以切片ga~~ 不過唔好用固體菜油喎，唔係會太硬ga~
回覆刪除[版主回覆12/20/2007 20:35:00]牛油會打過籠的嗎??點先算???我見d譜話要打王發白嘛!!!
你咁有心機整, 份心意真係值得嘉許
回覆刪除[版主回覆12/20/2007 20:33:00]謝謝! 唯有再接再厲，希望搵到竅門啦!
急！求救呀，你屋企用咩焗爐架？有冇好焗爐介紹？
回覆刪除[版主回覆12/20/2007 20:29:00]哈哈~我用嘅係Loyola 多士焗爐 ~~得600架咋~
如果你想買"真正"嘅焗爐就唔多啱喇~
我超想買焗爐，但屋企冇位擺呢!
我都未試過架, 我睇廣告咋
回覆刪除[版主回覆12/20/2007 20:30:00]話時話，我字整過oreo餅底，你試過未? 好似要remove中間白色嗰速份好浪費咁呢!
上次妳整 朱古力粒曲奇 我都嘗試過,真係ok 喎
回覆刪除[版主回覆12/20/2007 20:30:00]我會再encore呀!