淋面雙檸芝士凍餅 Double Lime Cheese Cake with Chocolate Glazing

 

 

 

 一向對淋面蛋糕興趣不大，因為好耐之前跟輝sir整過朱古力沙架餅 Sacher Cake，覺得都係一個朱古力脆皮咁~冇乜特別呢!

不過有一日喺orange baking見到有淋面朱古力賣，細細包又幾抵玩~又買咗返黎自製淋面喇!!! 原來都幾好玩呢!!!

喺輝sir度嘅淋面真係淋上去，自己識得流落去條邊嗰度架! 今次自己整呢，可能係因為凍餅，d朱古力一接觸到個餅面就凝固喇! 唔流動呀!!! 所以呢都係要自己抆上去囉!!! 上圖所見呢個餅面唔夠平滑，就係因為佢凝固得太快，抆唔切呀!!!

講返個餅嘅味道~~~"雙檸"即係黃檸+青檸嘅混合版，兩種cheese cake大蚊都整過 (青檸芝士蛋糕 Lime Cheese Cake / 檸檬芝士蛋糕 LEMON CHEESE CAKE / 檸檬啫喱芝士凍餅 Lemon Jelly Cheese Cake /檸檬芝士蛋糕)，味道真係好正~今次混合版亦都一樣好味~集合咗兩種特別味道呢!!!

魚膠粉似乎落多咗少少，整體味道都ok!~~~至於個淋面就好似薄咗d，冇乜脆皮嘅感覺! 下次要努力!!!

精美食譜:- 檸檬芝士蛋糕 LEMON CHEESE CAKE