熱狗

 

 

做法簡單~但大蚊要完成呢個早餐一d都唔易!!

話說早一個月大蚊已經好想整呢假熱狗架喇! 連生菜都買埋，點知一直不能成事!

1. 首先打算買芥辣，行勻惠康都只係得wasabi 青芥辣，搵唔到mustard黃芥辣喎! 問個職員，佢話冇得賣......乜原來......咁難買架??

2. 好啦好啦~~諗住冇芥辣都照整啦! 買咗熱狗包，排隊俾錢嘅時候竟然全線收銀機hang機!!!!!!冇得買啦!!!!冇得食啦!!!

3. 最後"遠在天邊，近在眼前"，樓下citysuper竟然有mustard賣!!!仲要只係賣十大蚊!!!即掃啦!!!!

4. 又打算行動，點知遇上打風......惠康個貨架上面嘅所有包都賣晒!!!又冇得整喇!!!

............拖吓拖吓..............而家先可以泡製呢款經典美食!!!

~~~~烘底加一蚊架! ~~~~

味道不怎麼了........可能準備得太辛苦喇!!!!點都係覺得行行吓ikea肚餓時食嗰隻超平熱狗咁正!!!!而大蚊覺得最難忘最好味嘅熱狗就係喺英國食嘅，總括黎講，熱狗係喺肌寒交迫時嘅美食! 平時食反而冇乜feel呢!!!

冇精美食譜呀! 太簡單喇!!!