昨天提要: 買咗唧花筒，手痕要開工喇!!!
一腔熱血開壇，但係失敗咗 @@!
第一轉，大蚊太蠢，喞錯咗d花，整咗d好騎呢嘅cookies出黎!
因為大蚊將個唧花筒淩空喞出黎，其實正確做法應該係將佢"座"喺牛油紙上面慢慢喞呢!
第二轉麵糰，大蚊好小心咁喞咗第一個花，雖然唔靚，但隱約都有個形狀，焗出黎就係上面第一張圖喇! 但係，明明大蚊跟足instructions，牛油紙上面塗咗牛油架喇，第二第三舊喞出黎成唔到形，痴住個喞咀唔肯跌落黎! 全程就係得呢一粒叫做似少少樣，其他全部失敗!!! 好慘呀! 究竟問題出喺邊啊?
精美食譜: 失敗，冇譜，大蚊跟呢個整架! (http://hk.myblog.yahoo.com/joyho-blog/article?mid=10025)
個型狀又真係好奇怪....
回覆刪除[版主回覆06/28/2009 11:19:00]嚇死人@@
大蚊，你有冇入爐墊呢? 其實我係用入爐墊呢~ 因為我見盒上說明都係講用牛油紙搽重牛油，但我有入爐墊，所以冇用佢個方法呢~ 我諗用入爐墊會易甩Ｄ呢~
回覆刪除同埋我諗用呀 Joy 嘅食譜會易甩Ｄ呢~
[版主回覆07/01/2009 00:42:00]我都只係用牛油紙，不過係唔痴嗰隻 (即係唔係cheap cheap"叉燒紙")
我睇一睇睇個食譜先，thanks!
唔緊要喎，再接再厲啦......!!!
回覆刪除[版主回覆07/01/2009 00:41:00]要儲d勇氣我先可以再接再厲! 失敗咗太hurt喇!!!
XD
回覆刪除[版主回覆07/01/2009 00:41:00]你有冇興趣玩啊??? 買左可以指教下我嘛!!!
一係太軟...一係太實~ 攪到我想死!! 佢唔入冷宮都唔得啦~
回覆刪除[版主回覆07/01/2009 00:40:00]你又衰咗呀? 我整cookies 都係麻麻....鍾意整蛋糕仔多d，成功率高好多!!
我經驗是用大花咀,再加自己大動作,唧花啫,唔難的,蚊蚊.....妳下次1定good的,加油....
回覆刪除[版主回覆07/01/2009 00:39:00]唧花我玩過，不過唔鍾意入袋，又成日喞爆袋...哈哈~~~我會努力~!
我應該唔會買喇, 好少整曲奇:p
回覆刪除[版主回覆07/05/2009 12:40:00]我諗住呢個可以燃起我整cookies嘅鬥志，點知.....仲打殘咗我........哈哈