有好多好多嘢要同各位BLOG友分享! 忙咗幾個月，好開心同大家宣佈: 大蚊可以擁有大蚊廚房喇!!!!
今日呢篇POST主要會講番"新廚房"嘅"舊貌"! 即係呢，收樓時個look~~~大蚊會講吓有d咩 "宜室宜居"嘅idea! 大家一齊brainstorm吓啦!
平面圖 - 廚房十分細小! 冇乜儲物空間!
sink盤比較舊，不過唔會換喇! 水龍頭係可以拎出黎嗰隻，但個sink 盤咁細，冇用，會換新! 上手整咗瀘水器，中斷了熱水供應 (!)，一定要重駁! (唔係整完蛋糕點洗碗??)
檯面似乎不太好用，易整dirty，但冇budget換，照用!
吊櫃 - 好似好多格，但又有抽油煙機條喉頂住，又有電制頂住，個位好淺!
抽油煙機有千年油積，微波爐10年冇抹....好大pat黑色塵積! (想換前者，後者頂住先!)
最勁一part就係個IC電爐! 上手新整，rasonic，市價好似4千幾~感覺好advance!
廚櫃下面有10年機齡惠而浦洗衣機1部，目標要換嘅item!
白色磚狀態ok! 綠色部份好土.....當睇唔到. @@
微波爐對下位置會放焗爐，放咗之後就完全冇位煮飯! @@!
廚櫃內部! 左邊係淺d架! 想加層板!
廚櫃綠色組件好out......要消滅................
10年機齡惠而浦雪櫃! 好高! 有成169cm架!! 懷疑上手10年冇抹過! 部份膠製間隔爛左! 想換機!!!!
喺新嘅1年，新嘅大蚊廚房就會同大家見面! 如果想知大蚊點樣喺有限budget之下為廚房換新裝，就要明天請早!
預祝各位 Happy New Year!
大蚊廚房12月精選菜式連結:-麵豉蒸香菇丸子、日式薑汁豆腐燒、菠菜薯仔湯、鎮江骨、鴛鴦枝竹炒生菜、600!!!(大家幫幫手!請按此投票!)、HP汁洋蔥雞翼、枸杞豬潤肉片湯、蕃茄肉丁炒米粉HP汁洋蔥雞翼、枸杞豬潤肉片湯、蕃茄肉丁炒米粉、香橙小蛋糕 Orange Little Cup Cake、芋絲蒸排骨、鼓椒炒豆腐粒、芝士忌廉椰菜花焗長通粉、蕃茄肉丁焗薯蓉、美極蝦、白菜仔鯪魚球味噌湯、香蒜檸蜜汁煎鴨胸、糖醋豆腐、魚香小棠菜、夢想成真 之 大蚊的焗爐!!!!、忌廉焗火腿腸意粉@焗爐初體驗、朱古力小蛋糕 Choco Little Cup Cake、楓糖焗薯角、焗燕麥脆魚柳、綠茶麻糬波波、芝士麻糬波波、牛油小蛋糕 butter little cup cake、日式芝士蛋糕、芒果芝士蛋糕、大蚊的戰友 - 多士焗爐
沒有留言:
張貼留言