日式芝士蛋糕

 

失敗! 好失敗! 傷心!

用新焗爐整日式芝士蛋糕，都冇乜信心~所以後備整多個凍餅 (明天post)，結果真係唔ok呀!

 

製作過程! 焗咗1粒鐘都唔熟 (用竹籤測試，有蛋糊痴住!)，最後爆開咗! 都算啦! 咁大蚊走去甩模啦~結果個底好濕.......變咗一pat pat! 完全變型!

賽後檢討:個食譜寫錯咗! 明明step2加左奶，去到step 5 突然又有奶!  大蚊覺得step2 應該係牛油囉! (材料部份嘅"牛油" 大蚊以為係for step 8 架.......................

味道呢其實好得架! 雪凍切件係好好味架! 但係....賣相都好重要架!!!! >.<

咁呢......當然唔係只係怪個譜....相信大蚊嘅技巧亦有問題......但真係唔知問題出喺邊! 好愁! so far 同個焗爐未夾得到.....一切由零開始，最慘係大蚊已經冇乜心機/精神去研究喇! >.<

用咗呢個leisure cat 譜:-

日式芝士蛋糕

忌廉芝士 250克 　
牛油 30克 　
牛奶 125毫升 　
蛋白 2隻 　
蛋黃 2隻 　
砂糖 20克＋40克 　
栗粉 (Corn Starch) 1.5湯匙 　


1. 預熱焗爐200°C。材料要室溫。
 　
2. 忌廉芝士放盆中用叉稍為按鬆，再加牛奶用電動攪拌器攪拌均勻，打至滑身，芝士混合糊應然是冰涼的。（如沒有電動攪拌器，可隔水加熱，用手動打蛋器攪拌至滑身，但必須拌勻後要冷藏到冰涼才能繼續做。）〔如果芝士混合糊不冰涼，油分容易沈澱在下面而失敗！〕
3. 將蛋黃與20克糖拌勻，篩入栗粉拌勻。
4. 40克糖分兩次加入打蛋白至8成「企身」。(即 濕性發泡，狀態是當用手動打蛋器盛小量蛋白，蛋白泡尖峰會稍微下垂）。 〔如果打發過度會下塌而失敗！〕
5. 加入（已經煲至滾的）鮮奶於（3）中，拌勻。
6. 將（5）倒入（2）中，拌勻成麵粉糊。
7. 將蛋白分次以切拌(fold-in)的方式加入（6）的麵粉糊中，拌勻。
8. 直徑15厘米的糕盆掃牛油，倒入麵粉糊。
9. 放入預熱焗爐，焗盆注入熱水，以蒸焗的方法用200°Ｃ焗10分鐘(或至金黃色)，後轉150°Ｃ焗約25分鐘，待涼後，切件供食(雪3小時才吃更佳）。
 http://www.leisure-cat.com/frm_1261r.htm