上文下理 & 前因後果請看: 上上上回 & 上上回 & 上回
以往寫大食會篇好少寫"賽後感，因為d菜式基本上都煮過，味道唔會差太遠呢!今次呢個冇籌備之下，不一樣嘅大食會，就容許大蚊對部份菜式作少少comment/ 解說吧!
以上呢個表，可以睇到情況有幾混亂! 大蚊2粒鐘入面都係一路煮一路諗，9成9嘅食材都係有乜煮乜，因為今次目標係要瘋狂清貨，唔容許再亂開屋企現有食材喇! 最後大蚊只係加咗紫菜/ 濃湯寶/蒜蓉呢3樣入去!
越來越喜歡煮嘢食，太多可能性，太多變數，令成件事好有趣味! 大蚊一向鍾意煮餸多過整甜品，之前原因係因為煮一個餸出黎可以食晒佢，但焗個蛋糕出黎總唔可以獨食吧??? (好無聊嘅原因，不過又真係喎! 餸可以日日煮...蛋糕唔可以日日整!)
今次之後發現，大蚊愛煮餸係因為佢嘅多元化，變數令你要不停諗，不停做problem solving! 可能大蚊整蛋糕唔叻，d食譜永遠跟足，冇膽去做變化呢! 講咗好多好多，如果大家有咩comment，歡迎留message討論一下!
四寶粟米紫菜湯 - 唔駛講，第一款諗到嘅菜式就係佢! 大蚊加咗紫菜，用濃湯寶滾一滾就搞掂喇! 係咪估佢唔到先??
黑椒雞肉串燒 - 牛扒豬扒變化唔多，都打定輸數要就咁煎咗佢，所以d雞扒點都要做d變奏，如果唔係都好難清貨! 喺2粒鐘煮12款菜式嘅有限時間入面都仲有閒情"拮"串燒，係咪要服咗大蚊???
串燒感覺會精緻d，唔會好似扒類咁飽滯，推銷策略成功! 清晒貨呀! 黑椒串燒感覺不太對勁，大蚊加咗d沙嗲醬一齊焗呢!!!
冬菇蒜蓉蒸雞粒 - 大蚊至愛，皆因夠晒creative! 蒸出黎好滑，中式蒸菜亦冇咁肥膩，大蚊好鍾意食，可惜清唔晒貨，原因不明!!! (會出post寫番食譜!)
咖哩魷魚燴金菇 - 想焗咖哩魷魚，但焗爐菜式排晒長龍，只好臨時變陣! 本來想煮蒜炒金菇，諗諗下金菇可以吸收d咖哩汁，味道都應該幾"索"，又膽粗粗試一試! 效果都ok，會出post寫番食譜!
洋蔥豬扒 - 望住d洋蔥有點絕望! 因乜事個什菜盤有咁多洋蔥??? 就咁焗黎食唔好味架喎???!!! 靈機一動，用黎整洋蔥豬扒 又合理非常，成件事即刻理所當然!
西蘭花炒紅腸 - 西蘭花本身質地不太好，所以炒到爛晒，要扣分!! 如果有多少少時間諗一諗，應該整西蘭花蛋批!
椰菜絲炒獅子狗 - 味道match架! 配搭普通，唔算太特別!
香煎牛扒 - Last 想講一講個煎牛扒，大蚊戒咗牛差唔多年半喇! 咁耐冇處理過d牛肉，感覺好怪....好似完全唔認識呢樣食材咁.....煎嘅時候又唔知熟唔熟喎 (雖然唔需要全熟....但都有個cooking optimum time架嘛!).....大蚊仲諗....個新鑊掂過牛...好似好毒咁呢......大蚊對牛真係冇晒慾望喇!!!!
最後總結............希望....唔好再有特擊派對啦!!!
後記 - 之後嗰日仍然係"BBQ food day"! 大蚊同白老鼠先生食足3餐都係呢d食物....不停cross-over，例如係洋蔥豬扒三文治/ 牛扒烏冬咁~~~~~~.大蚊仲創作咗 楓糖粟米多士、粟米蕃薯、洋蔥粟米湯 (會陸續出post!)
大蚊廚房09年5月精選菜式連結:-包餃子好幫手 之 餃子夾、焗日式咖喱豬扒飯、Lime Cheese Bar、干燒焗雞、三絲炒年糕、夏威夷pizza (薄批)、Cooking Class 01 - 白菜豬肉餃 + 魔鬼蛋、可可奶凍、House Warming 12 - 特擊派對 餐前小食篇、House Warming 12 - 特擊派對 準備篇、House Warming 12 - 特擊派對 開餐篇
無論金錢上&精神上我感覺妳都好疲累喎 係時候休息一下!~~~
回覆刪除[版主回覆05/12/2009 20:25:00]我真係要好好抖抖!!!
lol
回覆刪除兩個鐘攪掂,利害!!!
[版主回覆05/12/2009 20:25:00]煮到我一頭煙呀!!!
你已經好勁啦, 唔好講話d 野食唔食得晒, 又或者好唔好食.. 若我係我.我只會全部焗or 煎鬼左佢咪算lor..哈哈....
回覆刪除我都認同, 一個cake 整左都食唔晒呀..所以只可以間唔中做下..hahaa..
[版主回覆05/12/2009 20:24:00]識煮飯 = 生存條件啊!
唔識煮嘢食好易會餓死.....由其係病嘅時候!!
話時話, 我係我個blog 的右上角加多了個 新link.. 哩個blog會係只講cooking 呀.. hee heee.....因為唔係所有朋友鈡意講cooking 呀.. 費是佢地看我個blog 看到悶死
回覆刪除[版主回覆05/12/2009 20:23:00]好! 我上咗去喇!!! 不過未留言........
辛苦妳啦
回覆刪除[版主回覆05/12/2009 21:34:00]唔會再有下次!!!!!哈哈!!!
今日覺得你"好慘"多過"好勁"呀！
回覆刪除[版主回覆05/13/2009 22:06:00]哈哈~~~~冇呀....都係要解決咗件事佢囉....係好好嘅經驗!
我覺得唔係樣樣甜品蛋糕都一定要跟足食譜,其實可以自己嘗試好多變化,好好玩GA
回覆刪除[版主回覆05/13/2009 22:06:00]可能我唔係太叻.....最多都係原譜係green tea powder 自己走去轉sesame powder咁!!!
我都係鍾意整餸多過蛋糕,不過鍾意整蛋糕ga人鍾意個份成功感掛.不過我整親老公都唔幫襯,自己要隊一個蛋糕,試過都怕怕
回覆刪除[版主回覆05/13/2009 22:05:00]yes! 就係d成功感! 即係呢有人生日就整個cake大班人一齊食個感覺! 不過而家搬左出黎，間唔中叫d朋友上黎迫佢地食我d餸仲好玩~~~哈哈~~~~
蛋糕食得多都肥啦! 煮飯就日日煮都冇問題嘛! 煮得多....都唔多想出街食，又貴又多味精呢!!!