馬蹄雞醬蒸扇貝

 

 

大食會晚餐@白老鼠先生's home 第四道菜: 馬蹄雞醬蒸扇貝


第一次煮扇貝~效果不過不失，可以做得更好!

大蚊真係好冒險，買呢款海鮮黎玩! 不過我見成餐飯得d菜，連肉都冇乜，唔係幾見得人呀!!! 所以就買咗呢個囉!

原來好平喎~$20有6隻~大蚊買咗24隻呀!

買番黎沖乾淨佢，用個刷刷吓個殼就得架喇! 唔駛浸水，會冇咁鮮味喎!

買到返去先知出事~個鑊太細，碟亦太細，每次只可以蒸5隻扇貝!!! 即係原本一轉要蒸10分鐘嘅餸，要分幾次變咗幾十分鐘去蒸! 廚房又同時要整咁多碟餸，簡直係百上加斤!!!

蝦碌事件: 唔知咩係熟咩係未熟....結果上咗枱又要番蒸......好魚! 另外呢太趕冇睇清楚食譜，係要清蒸完先倒d醬上去，大蚊掉轉咗步驟，結果出好多水....唔靚啦亦影響味道!

親友們覺得用雞醬蒸扇貝好奇怪，開頭唔係好接受.......始終佢地覺得係要用粉絲豉油就最正! 不過食食吓都ok~由其係加咗馬蹄粒錯有錯著 (大蚊忘記了買三色椒，臨場爆肚架!!!)，都得到好評喎!!!

精美食譜:-

食譜來自: 村