大食會晚餐@白老鼠先生's home

好突然嘅一個大食會!
嚴格黎講，呢個只會一餐晚飯，而唔算係大食會呢~因為煮出黎嘅係一個個餸，而冇d小食呀~沙律呀呢d經典party美食呢!!
話說放假時白老鼠先生家族就安排咗家庭聚會，咁佢地拜山之後就剩咗一d燒肉呀~雞呀咁~~~~白老鼠媽媽就提議夜晚炒多幾個餸，,咁就可以食埋d肉囉! 大蚊二話不說就開工喇!!

13人晚飯 schedule:-

1:00pm 接到飯局order
3:00pm 買餸
4:00pm 開始煮!!!
6:30pm 佢地打完牌! (好驚~咁早嘅???)
7:15pm 開飯
7:40pm 飯局finish!!!

好好餸~哈哈~~~


大蚊嘅成績應該僅僅合格??!!做一個總評分先:-

菜式:簡單! 清淡! 要求係多菜，更有素食者~炒菜連蒜頭都唔可以落~所以喺一般小炒以外再烚多幾種菜!肉明顯唔夠，
所以唔排除有賓客唔夠飽!!! 另外蒸咗扇貝，感覺好似比較見得吓人咁!

味道:面對咁多aunties高手，大蚊真係好怯......佢地好俾面，都有食架...哈哈! 初時有d扇貝唔熟.....好魚呀!
後尾都冇乜野，都有少少讚啦.....當係鼓勵吓大蚊咁啦!! 冇乜邊味好特出，不過有d太油，有d太多水咁囉 (蒸嘅菜式比較多!)

時間控制:弱呀! 又係扇貝出事! 碟太細所以要分好多次蒸! 得一個煮食爐d餸都出唔切! 而且又冇預到佢地咁早打完牌!
初段d時間同碗碟都控制到，尾段又急，又多人~即刻慌張起黎~~~~廚房一團糟! 好可怕!

不消一刻~已經杯盤狼藉!!! 咁清晒場就令大蚊好安慰啦! 好過太難食剩晒喺度!!!

完成咗呢個13人晚餐，算係小小成就架喇!!精選咗以下6餸1鍋，接住落黎7日會同大家詳細講番呢幾個菜式，連埋精美食譜架!!

 

 

 

 

 

鮮雞豆漿鍋       




 蝦仁蒸豆腐       






































 鮮冬菇素鴨炒棷菜      







































馬蹄雞醬蒸扇貝

 

蕃茄玉子豆腐            






































香煎雞肉丸                 



拍青瓜