Calvin生日快樂!
咁耐都未整過birthday cake俾佢~所以呢今次就加料~整個多d layer嘅蛋糕俾佢歎!
呢個cake整過一次，上次係熱情果凍芝士蛋糕 Passionfruit Cheese Cake，味道比較酸，今次就sweet d，用咗士多啤梨呢!
本身大蚊係整到上圖咁樣就收左手存喇! 點知擺過夜之後d士多啤梨甩色! 令個蛋糕面好樣衰! 大蚊臨急臨忙加咗個淋面上去，點知越整越衰，個表面好唔平均，要灑番d糖霜遮吓醜!
味道都幾ok，今次飯局嘅大部份朋友都係第一次試大蚊嘅手勢，希望唔係太失禮啦!!!
(p.s. 下次去小肥羊食飯小心! 叫佢地上cake，成個盒連膠袋俾你攞走 (!!)，解釋清楚後再攞個蛋糕上枱，個蛋糕竟然唔係我地嘅(!!!!)，搞到大蚊d朋友以為大蚊嘅作品整到出面街嗰d咁靚 (!!!!!)，最後順利切餅，不過要用筷子食蛋糕 (!!!!!!!!!!!!!!!!) )
精美食譜:-
熱情果凍芝士蛋糕 Passionfruit Cheese Cake
鋪面生果最好加果膠之類
回覆刪除[版主回覆11/06/2008 23:03:00]我以為....果膠係用黎痴實d生果等佢定型..........原來咁有用............
其實我都未用過, 因為男友唔鍾意, 只係試過加果jam o係面
回覆刪除聽講果膠可以令d生果唔變色
[版主回覆11/06/2008 23:42:00]唔知......加魚膠水得唔得~~哈哈~
唔知呢?你試下~ ^^
回覆刪除[版主回覆11/09/2008 10:41:00]我整過 酥皮蜜桃撻 Peach Tart ~~
加魚膠水? 咁有冇變色? 不過蜜桃係新解定罐頭?
回覆刪除[版主回覆11/23/2008 21:02:00]冇變色! 係罐頭呀!