二月喇! 大蚊廚房二月月曆，你今日download咗未呀?
唔好就咁喺上面嗰幅圖save呀! 解像度好低呀! 請自行click下面條link啦!
大蚊廚房2月月曆連結
多謝bluebluegirl嘅食譜，細契真係好勁架! 成日煮d賣相靚靚嘅餸菜出黎 (同佢一樣咁靚呀!)，引到我流晒口水呀! 好似今次呢款菜式咁，我一睇到佢post出黎張相就決心一定要煮! 太靚喇! 太高貴喇! 我又要偷師!
由於是日要返工 ，我諗住去公司樓下間惠康買菜啦! 點知冇得賣喎! 返到屋企去樓下間惠康再睇啦! 點知都係冇喎! 點算呀? 我一定要食呢個呀! 我唔制呀!!!!!結果走去最後一站 - 街市睇吓有冇啦!
講樣瘀嘢俾大家知，大蚊淨係識得食，根本唔知道"菠菜"係咩樣架!! 去到菜檔，扮晒嘢望望吓，跟住問老闆有冇菠菜賣，又有喎! yeah!
原來菠菜係咁嘅樣架! 同煮好咗個樣好大分別呀! (低B!)
成日都話，整嘢食最難係買，煮反而唔係好難呢! 街市d貨係新鮮d選擇多d又平d，不過有時係自己怯囉~覺得自己額頭上面好似有"水魚"兩個字咁，唔敢去買餸，寧願去超市買~而家都叩做大膽d架啦! 菜同埋雜貨都會去街市買，問吓阿姐都好友善教你嘅! 最驚都係去肉檔，d叔叔好似好惡咁! 我又唔係太識應該買邊d部位，又唔知價，買得少好似仲衰過唔幫襯佢咁呢!
講番個餸先~好好玩呀! 不過我好似唔太可以固定得到個卷，咁就落多支牙籤囉! 原譜係煎嘅，我就改咗焗，冇咁易散嘛!
味道係出乎意料地夾喎! 真係好好味呀! 細契好介紹真係冇得彈呀!!!記住魚肉唔好包得咁厚咁多層，兩者分量相約先至唔會搶咗鏡架!
精美食譜:-
食譜來自: bluebluegirl
我鐘意呢個啊
回覆刪除[版主回覆02/01/2008 20:00:00]好耐冇見喇! 近來有冇煮餸呀?
回覆刪除焗得好靚仔喎! 你 honey like 唔 like 呀? 我都好想食多次耶!
多謝大契欣賞!
[版主回覆02/01/2008 20:08:00]今次honey冇份食~呢碟係我自己嘅晚餐啦~佢走寶呵呵~~~
好靚好好食咁喎 , 我都有食剩菠菜, 試下煎得唔得先
回覆刪除[版主回覆02/01/2008 20:11:00]好呀! 味道真係好夾! 又易整~可以多加香料或者整個汁都得!
個樣好得喲!!!
回覆刪除[版主回覆02/01/2008 20:11:00]謝謝!
好味呀~ 好靚呀~
回覆刪除很欣賞你每日為大家送上精美的食譜呀!!
[版主回覆02/01/2008 20:12:00]謝謝!最緊要大家睇得開心!
那是 最近期的了, 因病了近星期都沒煮...
回覆刪除[版主回覆02/01/2008 20:12:00]小心身體呀! 天氣寒冷，著多d衫呀!
嘩, 賣相真係好靚, 我要學哩個, 不過屋企無晒fish呀~~~
回覆刪除[版主回覆02/02/2008 00:15:00]唔緊要啦~買咗先整囉! 係呢，明天記住上黎~我跟你食譜煮咗嘢食呀!!!
通少先同您拜個早年 記得每天探我多一些呀
回覆刪除[版主回覆02/03/2008 20:49:00]勁呀! 仲識key頭~~~
小心俾人拉~以為你係"移花接木" 幕後黑手呀!!!
oooooooooooo.......... 我以為係波菜包包添！
回覆刪除[版主回覆02/03/2008 20:48:00]哈哈~我唔識整包呀! 你會唔會研發吓波菜包???
個餸好靚呀~~~
回覆刪除大蚊，其實去街市買餸唔使怕，你唔知果樣菜野係點咩? 就話「唔該俾斤XX菜丫」，一於扮識買!!! 如果冇既，多數都係會話"賣晒"，唔會話冇既~ 咁人地咪唔知你唔識囉~ 哈哈!! 肉檔 D 阿叔其實都唔惡架~ 你話俾佢知用唻點煮，佢就會揀俾你架喇。
其實去街市買野係好架，真係新鮮 D，又平 D。
[版主回覆02/03/2008 20:47:00]而家我買菜都勇敢咗喇~係有時去肉檔就一定俾人知我唔識囉~
買菜呢~唔係一斤就半斤，容易d買~不過我記得上次買栗子話要半斤，原來佢係一磅磅計架!!
仲有買菜仲要係flexible d啦~如果想做d配菜，好似紅椒青椒咁~買1條都ok~超市就係咪都要買一大包~浪費呢!!
哦....原來係咁! 哈!
回覆刪除[版主回覆02/06/2008 23:00:00]我仲要係加咗好多支牙籤~好似搭棚咁呢!!