甜蜜嘅一餐!
星期日下午3點幾，望吓個電腦，發覺仲有兩日就係5週年紀念喇! 咁好應該要煮番餐黎慶祝吓啦! 其實一早諗定要慶祝，但又太忙醒唔起呢! 唯有臨時抱佛腳，於當晚進行喇!
第一次負責煮大餐，仲要有時間限制，好緊張呀! 好彩都能夠順利完成呢! 要諗頭盤主菜甜品，4點已經構思好，跟住要去買材料，6點半已經可以開餐，係咪好有效率呢??
佢好鍾意食煙三文魚，所以頭盤就由呢個方向開始去諗~~~配芒果真係天作之合呀!不過大蚊最擔心係天寒地凍唔知有冇芒果賣???又好好彩，去到街市又有靚芒果喎! 好開心呢!蟹籽同中華沙律都係逛佳寶嘅時候見到嘅~可以做拌碟所以咪買咗囉!
三文魚卷嘅概念來自早前整過嘅焗菠菜魚柳卷，整整吓又覺得幾似花之戀喎! 所以就改咗呢個名喇! 由於係5週年嘅關係，咁我就每碟整咗5朵花喇!
setting仍然好弱，想整d好簡約嘅拌碟~結果娘娘地呢~唔緊要，最緊要好食嘛!!! 佢好鍾意食呀! 好! 咁我就放心攞個頭盤出黎喇!
主菜明天奉上!
精美食譜:-
食譜來自: 大蚊
大蚊: Eason 在2/2號巳出咗演唱會dvd, 好好聽/睇呀~!你買咗未呀??
回覆刪除[版主回覆02/12/2008 20:28:00]我細佬買咗呀~不過我未有時間睇呢!
我一定會好好欣賞!!!
我下個月都同我男友八週年了. 呢幾年我地都係玩煮飯仔來慶祝
回覆刪除黎緊情人節. 你也會這樣慶祝嗎
[版主回覆02/12/2008 21:24:00]8週年????可以去參加渣打馬拉松喇喎!!!幾時拉埋天窗呀???
我都諗緊呀! 可能簡簡單單咁囉~第二日又要返工~好難搞!
大蚊...今次呢味餸好吸引呢! 我同男友今年都同你地一樣五週年了!
回覆刪除[版主回覆02/13/2008 21:39:00]咁啱嘅? 咁你地會唔會煮踇飯仔慶祝呀???
好精緻,but我家大少唔like煙三文魚,我諗都無乜機會整la
回覆刪除[版主回覆02/13/2008 21:38:00]用新鮮三文魚!!!又或者煙肉都得喎!
我地唔會煮飯仔了! 我地會出去同人逼呢!
回覆刪除