冷麵

 

天寒地凍~冇胃口，最後竟然揀咗煮冷麵黎食~可能我痴咗呀!

趕時間~有乜煮乜~例牌火腿蛋 - 火腿係雪櫃長備嘅寶物，蛋係整曲奇開咗用剩嘅~啱啱好用黎煎咗佢!

今次有咩想發表呢! 就係原來食冷麵係應該用碗上，而唔係用碟! 平時出街食佢一定係用個碟上菜，排到靚一靚咁俾你撈汁撈到跌晒落枱面~唔明點解要咁蠢呀!

今日見屋企有隻新碗，貪玩用黎裝冷麵，整出黎賣相似意粉多過似冷麵~食落先知正~點撈都得~又易食喎~至少"隊"個碗埋個口度冇咁異相呀! 用碟食，永遠頭 dup dup，食完頸都痛! 食剩少少麵又食唔到~真係唔掂呢!!

冷麵汁: 睇呢度 --> 什錦火腿冷麵

食譜: 以為自己寫咗咁多次冷麵post，實有出過食譜.....原來........下次補番啦! sorry!