近來瘋狂愛上三文魚呢種食材~~~又好味又平又健康又易煮~~實在係太正喇!!!!!!
呢款午餐係大蚊嘅大膽創作~~~結果好成功~~~真係開心呀!!!
其實大蚊同白老鼠先生都唔喜歡食南瓜，不過本住大蚊廚房"乜嘢都要試"嘅精神，膽粗粗買黎玩吓啦! (貪玩先係真相! 哈哈!!)
個汁又係自創，南瓜蓉+雞蓉粟米湯，方便又唔駛調味，幾好玩~嫌味道淡就加番少少鹽調味啦!
因為大蚊唔太鍾意食南瓜，煮嘅時候就略略將佢壓成蓉，咁就易入口，又增加咗個汁嘅質感! 參考過一d南瓜食譜，可以煮熟咗d南瓜再用攪拌機攪爛，不過咁又要花好多功夫、洗多好多碗、而且d纖維會冇晒，計落都係唔蓍數! (而真相係: 大蚊根本就冇攪拌機!!!哈哈哈!)
本來都驚個汁唔好味，又唔襯個魚~不過食落又幾得喎! d汁杰杰地，滲落螺絲粉唔會漏出黎! 而佢就好鍾意個魚呢! 係咁問我點煮出黎! (我發覺，當佢鍾意食一樣嘢嘅時候就會係咁問我點樣煮囉! 相反就會不聞不問呢~~~)
今次用了百里香醃魚，效果好好~用啱咗香料喇!! heehee~~~
精美食譜:-
食譜來自: 大蚊
Morning !!!
回覆刪除呵呵呵....連冠呀)))))
我話煮三文魚扒始終都冇試過添....2 樣都係我喜愛的...一定要試...
[版主回覆02/23/2008 15:17:00]叻喇叻喇!!!
快d買黎煮吓! 真係好好味呢! 都話我地夾架喇! 整d嘢食都好啱胃口!
我就鍾意個意粉la. 因為我唔食魚. 哈哈
回覆刪除[版主回覆02/23/2008 15:19:00]唔食魚咁都可以用第二樣材料! 意粉除咗天使麵我種種都好鍾意!!
南瓜汁又真係幾特別喎 有機會都要試下先
回覆刪除[版主回覆02/23/2008 15:20:00]南瓜汁係咪好有西餐feel呢???我會再努力研究吓仲可以煮d咩好味醬汁!!
係咪係凍肉舖買架? 百佳果 d 會唔會好 d 呢?
回覆刪除[版主回覆02/25/2008 20:49:00]又係佳寶! (呢度一件係佳寶，一件係上次食剩嘅惠康!)
你之前咪介紹過panda hotel附近嘅凍肉鋪嘅?? 嗰度會唔會有??講開~上次我去同事屋企BBQ，佢就係去呢間買羊扒! 好好味呀! 好似係大約一百蚊有10件咁上吓~唔知你有冇試過!
講番條魚~價錢兩者差成倍，心理上係超市好d，不過其實我食唔出有咩分別!
Thanks 呀)))))
回覆刪除今天就決定煮一煮咖喱三文魚扒耶, 我呢塊係百佳買既, 試完話過你知得唔得喇!
荃灣友果真識貨又醒目, 不過我就唔係好 like 羊, 因為怕羶耶....其它你有冇試過呀? 都好得架喎!
[版主回覆02/27/2008 00:02:00]加油! 我明早過你度睇!
我同事都係識途老馬~成日去楊屋道買餸! 隻羊我仲好回味~下次有機會要試吓其他!
呢款新菜色好似幾得咁啵！
回覆刪除個雞蓉湯係咪唔使加水架？
[版主回覆02/27/2008 20:05:00]要架! 1罐湯 + 3/4 罐水!
平時煲湯就1比1，整汁就要杰d，所以少d水!
我岩岩 post 埋喇! 三文魚扒真係好好味呀! 老細唔 like 魚都食晒添!
回覆刪除楊屋道又係超多靚餸買....講講下又想煮下西餐添
[版主回覆02/27/2008 22:41:00]已報到!!!
得閒煮吓西餐幾有新意架! 魚又好好味! 對眼睛都好呀!!!
個醬得喎!
回覆刪除[版主回覆03/07/2008 21:30:00]謝謝!不過我諗都係你嗰個醬好味d!
果個醬普通啦, 豪一次甘多啦! 整野食都係心思最緊要d~
回覆刪除[版主回覆03/07/2008 23:44:00]由其係而家d食才越來越貴~煮吓煮吓重貴過出街食~真係要花d心思買d 又平又健康嘅食材黎煮餸!