情人節禮物~同上年一樣~~~整得唔好! 以為經過1年鍛鍊，會有d水準....結果仍然令人失望!
想整chocolate mousse，落場先發覺要用黑朱...而我只得牛奶朱...唔理照用~整出黎我覺得唔多好味...
一落魚膠溶液，即刻同d朱力凝結，起晒粒,想點啊?? 好辛苦咁過咗篩，求其放落個膠兜當整完~~
整裝飾又係好火...白朱調極溫都唔溶，轉戰牛奶朱，個漿調得好靚，不過一唧出黎即凝固! 天氣太凍喇!畫唔到花!呆晒啦.....結果加添咗個失敗程度............
回顧一吓大蚊嘅情人節作品啦:-
2007年: 情人節軟心朱古力
2006年: 如果被愛（鮮芒果慕士餅）
食譜來自: 為食貓
唔緊要la .有心就得 (不過我當然明白整唔到自己想要的效果. 個心情會幾低落)
回覆刪除我昨晚個情人節餐不太行, 個主菜隻雞焗極都唔熟. 個心太軟甜品又太甜.
不滿意.......
不過我整咗朱古力就好好味, 下次一齊玩呀
[版主回覆02/15/2008 21:03:00]其實....我仲未講最失敗嘅地方......我琴晚放工返咗屋企先出去~~跟住呢我係 唔記得 咗帶佢出黎!!!!!而家仲喺我雪櫃!!!
你真係好有心機整情人節甜品呀! 我倆尋日都係出街食咋! 朱古力好似都幾難整甘喲...
回覆刪除[版主回覆02/15/2008 21:09:00]我都係出街食~明搶$$$......................
應該係天氣太凍!! 我都勁唔開心ar!! 尋日我個cake落魚膠溶液時都係起粒粒ar!! 成個人即刻冇哂心機!! 不過整得咁辛苦, 你honey實會收到你o既心意!!
回覆刪除[版主回覆02/17/2008 23:15:00]我早排排住整cookies，好耐冇用過魚膠粉....一用起上黎十分手腳疏!
魚膠片就真係易用好多!
我地再努力啦!!!
都好靚呀, 心意已經係滿份啦
回覆刪除[版主回覆02/17/2008 23:14:00]多謝你呀通少! 我會再俾心機!!!
mousse有冇先筆少少溝左魚膠水先倒落大兜mousse 漿?
回覆刪除[版主回覆02/17/2008 23:13:00]係喎~你教完我我又唔記得呢個step，抵打呀.......
我地尋日去左附近食泰菜, 少人又唔加價 ^^
回覆刪除[版主回覆02/17/2008 23:12:00]最唔抵係明搶案$$仲要係唔係太好食......下年都係要慳d!
(其實我有suggest過去酒樓食架，我估應該唔會加價...不過佢ban咗我...)
(Empty)
回覆刪除[版主回覆02/17/2008 23:08:00]係喎...我都未拆行事.....不過未拆都知冇你咁多呀!!!
有你這個blog 真係好幸福呀
回覆刪除[版主回覆02/17/2008 23:07:00]謝謝你的高度讚賞呀!!! 多d上黎~慢慢睇啦! 我會盡量試煮唔同食材~梗有一款啱晒你!!
杯裝朱古力慕斯不加魚膠粉都得,仲滑好多
回覆刪除[版主回覆02/17/2008 23:06:00]係咩?????咁我又要試吓先! 屋企仲有d杯剩呢!!!
天氣問題啫...唔關事耶....唔洗灰心耶!!! 明年努力!
回覆刪除[版主回覆02/17/2008 23:05:00]呢排唔駛睇通勝都知道"不宜整餅" & "不宜整朱古力"!!!
下年自己煮~
回覆刪除[版主回覆02/18/2008 22:45:00]下年情人節係星期六~正呀!!
Hello~ 我係第一次來留言 ga~
回覆刪除其實我都想試下跟為食貓呢個 recipe 來做個結婚周年蛋糕俾我 daddy&mummy, 唔知你覺得製成品好唔好味呢 ?
同埋 魚膠片半片即係 2.5g呀? 而且請問 呢個 recipe 可以做到幾多杯呢隻 size 嘅杯裝朱古力 mousse 呢 ?
[版主回覆02/18/2008 22:44:00]hello! 多謝你嘅message 呀! 你真係孝順呀!!
記住要用黑朱古力呀! 牛奶朱個味道會怪怪架! 魚膠片每隻包裝都唔同，你要睇吓個包裝，例如係20g8片，咁就係每片2.5g啦!
我其實只係做咗呢一杯，唔知係咪d cream打得唔起，份量整出黎好似唔太多!
溶朱古力你識唔識? 要座熱水溶架! 溫度亦要控制得好好，手腳又要快d! 仲要d mousse有冇先筆少少溝左魚膠水先倒落大兜mousse 漿會好d!
我唔知你係咪新手，其實我自己整咁多次mousse都唔係次次整得好，反而整cheese cake 質素穩定d! 不過就要另外買cream cheese 喇! 唔好意思呀! 好似潑你冷水咁........不過整第一次整得唔好就會冇心機再整架喇!
薄荷朱古力慕思蛋糕 我整呢個比較成功，不妨參考呢個譜!
祝你成功! 你爸媽一定好開心!
係喎~*0*
回覆刪除