放咗工，拖住疲累嘅身軀返屋企~~~~不過呢，今晚有得自己煮晚餐，即刻醒番晒呀!!!
一早決定要整三文魚~咁配咩汁好呢??紅汁白汁黑椒汁咖哩汁燒汁椰汁都煮到厭~想整未研究成功嘅蜜糖檸芥汁~點知原來屋企冇晒wasabi~咁點算呢???
開雪櫃睇吓有d咩材料可以發揮~一眼望到一盒梅子jam (冇錯，係一盒~即係人地d餐廳俾你搽麵包，一次一盒，同盒裝牛油一樣包裝嗰隻呀!!!)
叮! 諗到用佢黎replace wasabi~~~變成咗呢個蜜糖梅子汁喇! 都係膽粗粗試吓~味道又幾ok喎! 好享受自創食譜嘅過程呢 (效果就未必係享受~哈哈~)!
手頭上得一盒梅子jam，唔敢輕舉妄動呀! 撈咗個汁，試咗味，見佢份量唔多，我冇放落煲煮，改為叮熱~如果用煲煮就痴住晒個煲冇得剩呢! (個原因係咪好騎呢??)
整個烹調時間約為30分鐘~成績唔錯~8點半有得食喇! 味道都幾好，偏甜~我喜歡呀~~~加咗蛋絲同火腿絲 (好似食緊冷麵咁喎!)，增加口感，又可以飽肚d! 原本幻想個look會靚好多架~砌出黎完全唔係嗰回事~~~又失敗咗~
精美食譜:-
食譜來自: 大蚊
好多料啊！個 look 都唔差呀，而且最緊要好味嘛！
回覆刪除[版主回覆02/17/2008 23:03:00]我驚食唔飽...所以加咗好多料!
如果個意粉冇肉，我接受唔到架......就算食晒都會覺得好肚餓......
大蚊:你個blog好奇怪呢，因為我睇左手邊，係冇咗你幾日網誌呢，個日期係click唔到入嚟呢~ 包括10 11 12 15&16，你試吓logout咗，跟住扮guest番入去你個blog度，你會明我講乜呢~ 係咪之前寫blog時set過呢幾篇做私人網誌呢~?
回覆刪除因為近排我都試過呢，要再番入去嗰篇網誌度再re-post一次先回復正常呢~
[版主回覆02/17/2008 23:02:00]多謝你提醒呀!!!驚大家以為我偷懶唔出post呀!!!
我已經整番嗰幾個post，不過yahoo咁樣真係唔得，成日都有問題...早一排我都發覺個日曆唔係好正常 (就算已經log in)，過一兩日見佢冇嘢就冇再理喇! 你有冇去yahoo editor 反映番個情況呀???
我真係覺得您好有心機, 除左整俾人食之外, 我自己係一定唔會整野食俾自己既, 純粹因為自己食就費時煮, 好勁
回覆刪除[版主回覆02/17/2008 22:59:00]我諗.....係因為我已經上咗癮......一有機會我就係咁煮......煮嘢食變咗興趣呢!!
3款料我都鍾意食，
回覆刪除配意粉正。
[版主回覆02/17/2008 22:58:00]配搭不錯吧???d料平平地不過效果都好有magic!
睇你呢輪多個餸都係用三文魚扒耶, 有冇魚腥味架??
回覆刪除[版主回覆02/17/2008 22:56:00]唔係太腥，好過白色嗰d魚柳! 煎出黎真係好香口呢!
三文魚扒真係太好味喇!!!