三道菜晚餐之甜品! 亦係整個晚餐入面最困難嘅部份!
難度在於款式~佢屋企冇焗爐~唔可以整d香口嘢~~預備時間得個零鍾; 唔可以整d凝固類甜品; 乜工具都冇(喺晒我自己屋企)，整唔到榚點類; 煮西餐，又冇理由煮碗糖水出黎咁搞笑啩??
諗到整糯米糍，雖然有點兒中式~不過外表都呃得吓人嘅~~~由於前菜已用芒果，唔想重複，咁就揀咗整奶皇餡! 原來要設計菜單真係好難架! 仲要係有咁多限制，好難諗呀!
第一次整奶皇，第一次用吉士粉~見佢越煮越杰~~好得意呢!
睇少咗佢呀! 仲難包過冰皮月餅! d皮實在太痴手喇! 都拉唔出個圓型，塊皮亦好厚，埋唔到口呢! 呢一個環節真係用咗最多時間去做! 好困難呀!
咁厚皮，諗住唔會好味~幸好效果唔錯喎! 食落都幾煙韌，佢都喜歡食! 好開心呢! 我自己就覺得牛油味重咗少少，可能係因為我用咗普通牛油而唔係冇鹽牛油呢!
週年大餐成功! 只要用心，身邊嘅人會感覺到架!!!
結果包剩咗一堆奶皇....可能因為皮太厚喇! (食譜已將糯米皮份量倍大，份量會啱d!)，以下約可造40粒糯米糍:-
預告: 想知大蚊為情人節準備咗d咩? 明天請早啊!!
精美食譜:-
食譜來自: yahoo知識
掂呀你, 如果係流沙餡, 會唔會似心太軟呢, 哈哈
回覆刪除[版主回覆02/14/2008 19:05:00]咁都比你諗到?? 不過佢係固體都咁難包，要整流沙都應該幾考功夫......
我成日都想整糯米磁架! 不過又好似有啲麻煩甘哟!
回覆刪除[版主回覆02/14/2008 19:03:00]係痴手少少~其實steps都唔係咁麻煩架!!!
(Empty)
回覆刪除[版主回覆02/14/2008 19:02:00]謝謝! 我都祝你情人節快樂!
但個賣相都幾好呀. 你冇用椰絲做手粉咩 .咁會唔痴手
回覆刪除[版主回覆02/15/2008 20:50:00]我有撲粉喺手架~不過都係好lim好痴!!!!
嘩~見到好想食呢，我至鍾意ｄ煙煙靱靱嘅食物，糯米糍好正呀~~~~~~
回覆刪除[版主回覆02/17/2008 23:21:00]過獎喇~我呢個都係得個樣~製作過程好哈碌~好多都埋唔到口呢!!
我早幾日都整左呀..不過我就用花生做餡料...
回覆刪除[版主回覆02/17/2008 23:20:00]我都諗過用花生! 但搵唔到食譜呀!!!
一定好好味!
回覆刪除奶皇?? 我最最最鍾意耶....但凡有呢 2 個字都會食佢落肚架!!! 等我試下做酥皮奶皇先得...哈! thz!
[版主回覆02/17/2008 23:19:00]知你鍾意先整架~!(賣口乖!!!)
仲有咩可以整???我見冰皮月餅都好多人用奶皇呢!!