結果都係再失敗......其實唔係話唔成型，只係唔滿意個味道囉!
見d blog友話朱力+芝士味道好夾，我就淨係食到甜味，甜到漏呀! 後尾諗通咗，可能因為我係用牛奶朱古力，糖又照落，結果咪過甜囉......
下次要記得用黑朱力呀! (如果仲夠膽整嘅話!!)
調溫仍然做得不好，下面張相係原本個設計，但失敗了~臨急買番麥提莎補鑊!
中間個裝飾倒下了，全部朱古力出緊水~~
今次個蛋糕係整俾兩個生日嘅同事食架! 好彩只係整咗6吋，細細地每人食少少 (真係好少!)咁就唔覺好漏啦!)
切蛋糕嘅時候台型差d，始終太細，唔夠大體囉! 不過兩位壽星仔都唔介意嘅! d同事要求我下次整大個d，我淨係話"少食多滋味呀"，輕輕帶過!
佢地勁讚個味道，意想不到呢! 唔通個蛋糕冇事，係我味覺有問題??
精美食譜:-
食譜來自:
leisure cat
再努力 下次一定得 我知你得架
回覆刪除Ｍｍ＆Ｊｊ : 好! 你對我好有信心呀!!!!!thanks!
回覆刪除大蚊:你真係好有毅力呢！加油呀!
回覆刪除失敗乃成功之母.....努力呀
回覆刪除實會得既放心, 冇人食 call 我!
回覆刪除何師奶 & 為食史路比 : 多謝支持! 我會努力寫好呢個blog架喇!!! bluebluegirl : 好呀好呀!!!你食得落至好~~
回覆刪除我買左整蛋糕0既餅模啦, 不過未知幾時整
回覆刪除~~ｃaffｅlattｅlattｅ~~§§啡啡§§~~~ : 加油呀! 等你!!
回覆刪除我都整過兩次.不過就唔係太甜.而係芝士太多.太漏 第二個食譜就朱古力味可以再濃d. 我都想試下做朱古力裝飾. 但我次次都懶.次次都係灑糖霜
回覆刪除好有型呀!
回覆刪除小豬碧碧 : 整朱古力裝飾要調溫好鬼煩! 我買過一隻唔駛調溫嘅朱古力都唔錯~~ 但最好都係喺出面上堂學吓先~知道人地點整~自己整嘅成功機會大好多! FUNPUCCA : heehee~ 希望下次整得好d，唔駛再用麥提莎啦!!!
回覆刪除唔緊要la ~~~ 再試整過, 下次一定成功的!! 加油唷!
回覆刪除整朱古力蛋糕全部都是要 50 % 以上的黑朱古力的, 不好用milk 朱古力呀 !
回覆刪除ﻬஐஐﻬ 菇菇 ﻬஐஐﻬ : 小矮人 : 果然係要用黑朱~~~我真係低b~~~~
回覆刪除嘩...好靚喎 請問魚胶片點用架?
回覆刪除＋２簡單就是快樂 : 我見過兩個方法:- 1. 先講呢個cake嘅做法- 飯碗置凍水，將d魚膠片摺埋浸吓佢~約30秒至1min 你會感覺到好軟~咁就倒去水份，將"pat"魚膠倒落朱力拌勻! (此方法合用於朱力，因它有熱力溶魚膠~~) 2. 另一做法: 一樣係飯碗置凍水，將d魚膠片摺埋浸吓佢~約30秒至1min 你會感覺到好軟，倒去水份，然後叮佢10-20秒，佢會變成水狀~咁再拌入芝士料/mousse料 (此方法合用於一般生果芝士料/mousse料，因它們沒有熱力溶魚膠，所以要叮溶佢先!) 我係見唔同譜有唔同做法~自己諗個原因出黎~如果唔啱~請各位指正!
回覆刪除妳真係好有心機整餅
回覆刪除咖啡甜心 : 整餅好玩嘛~雖然個製成品自己只會食少少，但可以同多d人一齊分享~都好開心呢!
回覆刪除個餅你裝飾得好靚呀!!
回覆刪除Mei_Mei : 歡迎你呀! 亦都好多謝你嘅讚賞呢!
回覆刪除唔該晒你呀,我終於明白魚胶片嘅用法了,謝謝^^
回覆刪除
回覆刪除＋２簡單就是快樂 : 唔好客氣啦! 魚膠片真係好好用! 特別係需要小量嘅時候 (1-5g~~)
繼續努力!
回覆刪除Jenny Wong : 好! 我會俾心機!
回覆刪除如果想做朱古裝飾，但用調溫朱古力又怕調得不好會溶，我建議用不用調溫朱古力，又稱“假力”，容易控制又方便．
回覆刪除Juvena : 我屋企都有"假力"，不過唔記得咗...哈哈~~~確係幾好用!
回覆刪除