話說早前去orange beking 掃貨，師奶仔上身掃咗一盒1litre 淡忌廉 (一句講晒: 貪平!)， 惡夢就開始啦......
不停整不停整，計埋今日個餅，一共整咗6 樣嘢先清得晒d cream! 作品回顧(CLICK):-
---------------------------------------------------------------------------------------------------------
綠茶芝士蛋糕
豆腐芝士蛋糕
檸檬慕絲杯 lemon mousse cup
咖啡慕絲凍餅 coffee mousse cake
柚子蜜慕絲凍餅
----------------------------------------------------------------------------------------------------------------
呢個係壓軸喇! 其實係整到唔想整，焗住是但搵d 野黎整, 哈哈!
呢個餅4月時整過1 次 (詳情重溫 (<--CLICK))，嗰次份量掌握得唔太好，今次捲土重來呀! (你地鍾意邊個造型多d?)
味道唔錯，擅自將個譜改咗少少，一煮蛋糊應該用牛奶，我為咗要清cream，用cream 煮埋! (好肥呀
!!) 另外見佢冇落蛋白, 咁又加埋落去!好滿意個圍邊，造型概念來自geography裡面讀過嘅meander~~~哈哈~算幾靚啦 (又讚自己,哈!)
調到個朱古力漿, 好開心!
meander:-
第2 日拎個餅出黎，部份圍邊碎裂了，一踫就爛，我嘅技術仲有待改進呢!
至於味道，我唔太清楚，因為個蛋糕送咗俾我老死阿calvin 食~
佢話俾100分喎~好鬼開心!
精美食譜:-
食譜來自: 大懶蟲@煮食@玩樂
朝朝早 精神好
回覆刪除真系好花心思 , 早個月我都系勁做涷餅 , 玩落好方便 ,
回覆刪除♡ღ♡ 茜姐 ♡ღ♡ : 我只可以做涷餅~~~~選擇有限呢~~~~~
回覆刪除奶茶都得 好勁喎!!! 愛飲奶茶實唔少得佢果份喇!!!
回覆刪除整得好好呀!! 我好鐘意D朱古力圍邊呀
回覆刪除好清楚 我搵日試下
回覆刪除bluebluegirl : 奶茶要多奶定少奶?? Ｍｍ＆Ｊｊ : 謝謝! 不過個圍邊好脆弱~一掂就散! 咖啡甜心 : 好! 成功要請食奶茶!
回覆刪除飛沙走奶丫唔該!
回覆刪除我呢d 咁懶ge 人． 應該整得咁上下就會扔咗餘下的ｃｒｅａｍ．．冇你咁好心機 我整咗個餸要用泰式辣椒醬喎！！．過黎睇下呀．
回覆刪除你好勁呀... 整咁多野死... 我就懶到出汁... 日日掛住打機...
回覆刪除bluebluegirl : 咁係咪即係淨要茶呀??? 小豬碧碧 : 我買嗰時都係咁樣說服自己-"整唔晒就扔咗佢啦"...最後都係忍唔住!!! 小肥 : 為咗整嘢食，我連最愛的打機都放棄咗...以前掛住打機~會叫外賣邊打邊食架!!!好沉迷!!!
回覆刪除你喜歡做甜品, 好處亦是不需焗爐, 我都想一試呢～～
回覆刪除~~ｃaffｅlattｅlattｅ~~§§啡啡§§~~~ : 凍餅製法比較簡單，成功機會高，不妨試試!!
回覆刪除好有心機裝飾呀~ 我又要食~~
回覆刪除小鈺 : 成日整凍餅冇乜變化，都要整d裝飾玩吓嘅~冇咁悶! 但鍊極都整得唔好....整唔到理想造型~脆弱~又不停出水~~連朱力漿都做得唔好! 唔知各位高手有乜秘技??
回覆刪除你調溫唔準，如果溫度o岩，室溫d朱古力自己都曉凝固(夏天除外)~~千祈咪擺入雪櫃雪硬佢就算~~~
回覆刪除小鈺 : 睇黎都係要買溫度計喇~~~咁即係等佢凝固咗先放落雪櫃? 另外朱古力出水問題都好嚴重，切蛋糕時好樣衰，有冇解決方法???
回覆刪除奶茶慕士我都整過, 如果下次再整, 你可以買茶餐廳的奶茶代替自己煮, 會濃味好多架 !!!
回覆刪除ﻬஐஐﻬ 菇菇 ﻬஐஐﻬ : 又係喎! 係咪要 絲襪奶茶 呀???
回覆刪除