大蚊至愛出場喇!
去親d "西餐廳"必食呢一味~可惜唔係間間都啱心水~大家樂而家又唔出~(雖然佢嘅意粉比較林~)，星加坡餐廳都算唔錯，係味精多咗少少!
睇吓大蚊點樣用多士焗爐焗意粉啦!!
買咗pizza芝士，就係呢隻 mozzarella + cheddar + parmesan cheese! 頭炮係呢個焗肉醬意粉喇! 焗出黎顏色好靚~味道都唔錯~係我個爐火力唔夠猛，令到d意粉唁夠乾身呢! 成個製作過程用咗50分鐘 (包醃肉)，都係放工煮飯嘅一個選擇呢!
芝士好味~但始終怕肥，唔係落咗好多呀!好愛呢隻芝士! 但要襯特價先捨得買呢!!
精美食譜:-
食譜來自: 大蚊
會唔會好heavy架？
回覆刪除[版主回覆02/18/2008 22:14:00]落少d芝士就得架喇!
仲可以用多d蕃茄、洋蔥就會健康d!
我自己就會好愛落好多CHEESE 間唔中食下唔緊要喇!!! 呵呵~~~
回覆刪除[版主回覆02/18/2008 22:16:00]多cheese = 邪惡呀!!!!
好似幾好，我都可以煮ｗｏｒ
回覆刪除[版主回覆02/18/2008 22:26:00]你有焗爐，完全冇問題啦!!!
呢個都係我GE 至愛. 勁鍾意食意粉
回覆刪除[版主回覆02/18/2008 22:47:00]我係100%鍾意食意粉但係0%鍾意食天使麵，個樣好似差唔多但我個感覺就係好唔同!!!
意粉唔過冷河, 去完水加橄欖油同少許鹽撈混, 會有咬口好多
回覆刪除[版主回覆02/19/2008 20:40:00]咁我要買咗橄欖油先!
嘩…超正呀！即刻口水標出黎…
回覆刪除Pizza Plus 好貴，我通常自己搆！
[版主回覆02/19/2008 20:39:00]自己逐舊逐舊買都唔會平得去邊........同埋份量多我驚買黎發毛..................
正爆.... d 芝士係邊度買ga?
回覆刪除[版主回覆02/19/2008 20:38:00]百佳惠康都有! 我特價買，30幾蚊250g，都仲係好貴!!
等我又試下買呢隻芝士試下先得....俾你挑起條根...添!!!
回覆刪除[版主回覆02/19/2008 20:36:00]呵呵~我都成日俾你挑起條根~今次點都輪到你!!!
想問下你d cheese, 開左封之後可以放幾耐?
回覆刪除有特價時幾多$呢?
[版主回覆02/24/2008 17:49:00]250g 大約$32, 平時賣開$40咗右
佢仲有再細包裝架好似，廿幾蚊125g!
我今日去惠康睇過，完整一舊芝士 ( cheddar) 270g 要$30左右，呢個價錢得得一隻味道仲要自己刨呢!
我開封後都係紮番個口擺雪櫃普通格~1月買入，包裝寫係3月到期! 唔知係咪真係可以擺咁耐，因為我都係第一次買!
你好牙!! 我屋企都係得多士焗爐牙..我得較溫度同時間既... 我覺得你好犀利牙,,好似用多士焗爐焗咩都成功咁 我試過焗d蛋糕仔都失敗左..外面燶左裡面都未熟,,之後就放棄左 你可唔可以教下我..點樣可以控制得好d牙?? 同埋可唔可以整麵包布甸同埋麵包架??(好似貪心左d)
回覆刪除[版主回覆06/28/2008 19:39:00]hello!
你見我整咁多焗飯/意粉/薯蓉，其實所以野入爐前都係熟架喇! 咁你再加d芝士上去，焗乾佢 & d 芝士變金黃就靚晒啦!
chicken wing＆ 魚柳都可以用個爐整熟佢~呢兩樣都易熟~蔬菜就更加冇問題，因為生都食得嘛!
個爐細，發熱線近會易燶，咁你睇吓你有冇得較上下火，or 用鍚紙cover個面再焗就唔怕!
麵包/蛋糕係比較難，始終火力細，酥皮就ok! 不妨試試! 酥皮蛋撻都整到架!
麵包布甸呢個提議唔錯~等我得閒試下! 你都要加油呀!
halo. 羅勒係咩黎?? 我想問問...可唔可以唔落 羅勒架?? 唔該哂:D
回覆刪除[版主回覆11/23/2008 21:02:00]basil~ 係香料黎架!呢個你唔加都可以~冇大問題!
請問肉同意粉既分量大約要幾多 ?
回覆刪除[版主回覆05/13/2009 22:00:00]2人份量....意粉約200g，肉....市價約15蚊........大約架咋 :)
請問肉同意粉既分量大約要幾多 ?
回覆刪除用焗爐是否都是焗10-15分鐘?
回覆刪除[版主回覆07/12/2009 15:33:00]用焗爐 = 入面空間大d = 發熱線遠d = 要耐d!
可用180度焗25-30 分鐘，睇火呀!
Hihi, 啱啱試整, 樣和味道都ok. 但係唔知點解個底出水, 唔係乾身, 有乜嘢出錯? 可以點解決? 謝謝你!
回覆刪除[kin fai回覆06/20/2012 21:48:37]明白，我會再試下！謝謝你！
[版主回覆06/20/2012 21:36:43]有可能係 (1) 意粉未瀝乾 or (2) 汁料太濕?
可試試盡量瀝乾意粉，減少汁中 水的份量!
希望幫到你!
有時下火唔夠力，但個面燶晒，可先用錫紙鋪面 (等佢唔好燶)，可以調教的話就關掉上火，只用下火，用個下火將底部弄得熟/乾身一點!