我諗如果我自己去可能行兩個圈都搵唔到！
腐竹只係賣三蚊，抵呀！
冇用白果，因為唔知邊度有得賣(原來超市有！）！
同埋我唔鍾意白果嘅味道，搵到呢個譜用鮮奶去煲，決定試一試！
好滑呀！我落咗一隻蛋，蛋花唔太明顯，但整體好好味！
我冇煲熔晒d腐竹，個人喜好~~~
用下面嘅份量，一共可以煲到六碗糖水。
----------------------------------------------------------------------------------------------------------
腐竹雞蛋煲鮮奶
>>材料：
腐竹3蚊、雞蛋1隻、鮮奶250 ml、冰糖、水4碗
>>做法：1. 腐竹浸在溫水中泡軟。
2. 另取一鍋將冰糖加水煮至糖融化。
3. 再將腐竹放入，小火煮至腐竹入味軟化。
4. 最後放入雞蛋煮開，起鍋前將鮮奶加入煮滾即可。
食譜改篇自 yahoo 知識~
都系我至愛.
回覆刪除超市有d一包包已有哂所有材料.(白果.薏米.腐竹.冰糖) 因為啱啱好,又唔係成日煲.如果散買就會剩番好多材料. 我都鍾意食溶哂的腐竹糖水.好似飲豆漿咁.hehe
回覆刪除夏天最好就係有甜品滋潤一下~ 但我比較懶，多數只係買雪糕食！HAHA
回覆刪除嘩!呢個一定好香好滑, 我鍾意呀~~~~~
回覆刪除♡ ღ ♡ 茜姐 ♡ ღ ♡ 、 Cherie. 果子 、 Natalie : 呢個糖水真係好滑好滑 ! 我鍾意 凍食 呀 ! 好 冰涼 !
回覆刪除碧碧 : 我仲未喺超市搵到一包包嘅 什錦糖水料 呀 ( 發雞盲 … )! 等我下次再留心 d ，黎個 地毯式搜索 先 ! 煲嗰時發覺要落好多 糖 ，先知係咁 肥 嘅 >.<
回覆刪除腐足雞蛋煲鮮奶未試過喎..得唔得呀...通常飲腐足雞蛋白果糖水.好潤架
回覆刪除傑他他老伯 : 好得架呢個 ! 腐竹 + 雞蛋 + 鮮奶， 又白又滑 喎 ~ 飲咗包你 靚晒 !
回覆刪除凍食定熱食好味d呀?
回覆刪除識唔識整蜜瓜炸鮮奶呀? 我好鍾意食
回覆刪除maple : 歡迎你呀! (感覺有d怪怪，好似同 自己 講緊嘢咁!) 我鍾意 凍食 ，感覺 透心 冰涼 呢!!! 有時 去飲 有蜜瓜炸鮮奶，我會食 兩三舊 (食埋人地嗰d!)，好好味! 見過個食譜，好難整，我諗我要 修練 多一段時間先可以試整!
回覆刪除呵呵，唔會，我地打blog嘅一向都係自言自語架啦~ 係啦，諗起可以將d奶煮成固體，真係神乎其技~妙極妙極
回覆刪除maple : 自言自語....玩得多可能我遲d變埋 自閉 .... 鮮奶真係好好嘅 食材 (最好嘅食材我覺得都係 雞蛋 !!)，今晚我整了 燉奶 ，味道好香濃~~~~不過要遲d先post出黎~~~ 薑汁撞奶都好神奇啫!!!
回覆刪除