蕃茄肉丸意粉

 

整到喇!
之前整獅子頭失敗，多謝各位blog 友教我要起膠嘅要訣，我先至整到呢個意粉!

星期五公司training，早放，一早密謀放工買送煮野食!
可惜，人算不如天算，training 阿蛇勁長氣...overrun 差唔多一粒鐘......

六點半先放學(喺銅鑼灣!)，即去超市買埋餸先返屋企!

見到貨架上d 蕃茄，心驚...

澳洲蕃茄廿幾蚊得3 粒!
銅鑼灣嘅惠康真係高級! 好不容易先搵到d "平平蕃茄"，佢收得好埋呢!

7 點半返到屋企, 整到9 點先有得食, 餓到呆咗!
買免治豬肉，再剁到佢起膠，煎肉丸時小心翼翼~~~
好在效果都ok, 一共煎咗22 粒! 咬落好惹味呀!
反而茄汁唔識煮!因為之前淨係煮忌廉汁呢~~~
唯有落蕃茄同茄汁，炒下佢咁囉!
點先可以煮到多d 汁出黎?我個汁睇落好乾呀!

同場加映: 食食吓，佢放工打俾我，仲未食飯......
咁我就要將個意粉同個汁再煮一次!
好在肉丸一早整落，唔係佢11 點都未有得食!
佢好鍾意食呀! 話好好味添!

(食譜後補~~)