跟blog 友天若個譜整雪糕，順手跟埋佢個燉奶譜試下! (淨番蛋白嘛!)
原來好易整! 不過蛋白我忘記了過篩, 口感差了少少...
唔算甜! 入口感覺幾正! 好潤! 養顏!
媽媽話好味過義順!!! (主要原因我諗係... 平過義順! 哈哈)
以下個譜, 我一共做到四碗! 唔敢注太滿, 驚難蒸熟!
（明天預告：士多啤梨乳酪雪糕～～～）
---------------------------------------------------------------------------------------------------------------
>>材料: 蛋白3個、鮮奶375ml、糖1湯匙
>>做法:1. 把糖加入鮮奶，座暖水使糖溶
2. 用叉把蛋白打發至流水狀，略為起泡，然後過篩
3. 將(1)和(2)混合，倒進碗內
4. 用錫紙封面，中火燉8-10分鐘享用
食譜來自： ::愛與夢飛行的小小烘焙室::
我好鍾意順義d燉蛋白, 真係超正 & 貴!!
回覆刪除Stweetcat : 6月頭我去咗澳門，食咗1次義順，17蚊1碗呀!!! 但係去到坐低冇理由唔食架??! 都幾搞笑，其實香港都有義順，平時又唔會食架喎~又唔見得澳門嗰碗好味d~~~~~
回覆刪除我無出去吃過燉鮮奶,感覺好似好易整,出面又貴,不過我自己都無整過:p 做法幾簡單,搵日又試下~~(不過唔知係幾時的事) 咁雙皮奶的整法又係點呢?我覺得呢個都應該會有皮係面~~
回覆刪除momo : 咯試過都唔知咁易整呢~有時整嘢食，由其是甜品，都係心血來潮嘅~可以忽然間一次過整幾樣，又可以幾個月都唔搞~不過夏天都係 整甜品旺季 ，努力呀! 我呢個冇皮架! 媽媽話雙皮奶好難整，貴就貴在個人工，我搵咗d資料，但唔係太明(其實係唔明點解要搞到咁複雜!!) ( yahoo 知識 ) 制法: 1. 鮮牛奶置於燉盅內﹐隔水蒸約15分鐘﹐取出﹐待凍至表面結成一層奶皮﹐然後從盅邊插開小縫﹐將奶慢慢傾出﹐奶皮留在盅底 2. 蛋精拌勻﹐加入傾出的牛奶內﹐加入糖﹐醋攪勻﹐再放入有奶的盅內﹐入籠或隔水蒸15分鐘﹐取出﹐放入櫻桃綴色即成
回覆刪除整得好幾喎!
回覆刪除pandayan : 謝謝你!
回覆刪除燉鮮奶．．好味呀，因為自己懶整．買百福燉奶算ＬＵ
回覆刪除大蚊,謝謝你為我找來做法呢...我諗我明佢講咩ge...不過要加醋感覺怪怪的:p 我都係咁話呢,夏天就係整甜品旺季,不過我還未開始動工丫~睇住你整我都好開心了~hehe~
回覆刪除一睇就知好香滑
回覆刪除勁呀!!!
回覆刪除好正喎!!!材料好簡單喎!!!亦好容易做喎!!!
回覆刪除傑他他老伯 : 百福 有架 ??? 熱食唔知得唔得架呢 ? momo : 唔駛客氣 ! 加醋 應該係為咗要凝固個皮，好似薑汁撞奶咁 ! 但係要整咁多嘢去加多塊皮，就真係唔多抵喇 …… 平時煲鮮奶放涼都會有塊皮，都好好味呢 ~~~ 我會再整多 d 甜品，引你出手啊 ~ 哈哈 ! FUNPUCCA : 我仲回味緊佢嘅 香滑 質感 ~ 好溫柔呢 ~ 哈哈 ~~~ bluebluegirl : 呢個呢又係一個 ” 扮勁 ” 嘅甜點 ~ 材料同步驟都簡單，但係回報 ( 讚美 & 評語 ) 就超高 ! Hallelujah YY Cake : 所以咪要極力推介囉 ! 你都試吓啦 !
回覆刪除多謝你教路, 等我再試下先, 可能我都真係大碗左!! 不過自己整都真係又平又正!!!
回覆刪除荔枝 : 真係超平! 同埋感覺上唔係太肥~因為落糖唔算多! 自己整嘢食，就知自己真係食咗d乜，同埋有幾肥! 家政課(好耐之前)整過曲奇...整完唔敢食...諗起嗰一大舊牛油就想嘔 ......
回覆刪除你好叻啊， 我整親燉奶＆撞奶，都好失敗架．．．．
回覆刪除車厘厘 : 點解咁慘呀? 你係蒸唔熟d蛋定係點?
回覆刪除大蚊：好滑喎 ! 我都要試下做
回覆刪除