芝士忌廉汁魷魚長通粉

 

午睡至六點三先起身(!!!)

唔知食乜好，佢話煮意粉，就咁決定啦!
買咗長通粉, 芝士, extra light cream，再去街市買魷魚~~~

十蚊兜 賣相唔差喎!
魚檔姐姐仲幫我去埋眼，實在太好人啦!

呢個魷魚定墨魚? 但係"釣墨魚"都係咁嘅樣架喎!
我係咪好蠢? 切咗圈黎煮, 但好似界花先啱喎!

睇過書，識得拎佢條軟骨出黎，好在佢屋企人提我要去埋個紅色表皮
哈哈! 唔咪又會有蝦碌野!
同魷魚玩"除衫"遊戲 (絕對"兒童適宜"呀!)

                    唔靚~~                             滑晒!
整完先睇番早前錄低咗嘅"地獄廚房" (Hells Kitchen)，講到點樣洗魷魚，原來要塞一條青瓜入去，撐起隻魷魚就好易清洗架喇!
個白汁點煮? 請參考忌廉汁蜆肉帶子扁意粉~~~