魚香茄子

 

超好味，因為個醬唔係我整嘅! 係淘大魚香茄子醬包包! (簡稱魚子醬!)

一路避免用呢類包包，覺得好似唔係自己煮咁! 又學唔到個汁點整! 好 HEA 咁囉!
點降今次出貓? 因為佢爸爸突然一齊食飯! 我要即刻諗多樣餸，仲要係不容有失嗰種餸喎!
本身一直諗住煎豆腐餅，但跟據過往我整豆腐同豬肉嘅失敗記錄，都係唔好玩嘢，整魚香茄子算啦!
幾成功啦! 佢話唔介意我用呢D包包喎 (梗係啦，品質有保證，唔駛做白老鼠!!)!

>>材料: 茄子一條($2)、免治豬肉($7)、李錦記/ 淘大魚香茄子醬一包
>>調味:  生抽、麻油、糖、雞粉
>>做法:
1.      醃免治豬肉約半小時。
2.      茄子洗淨切成條狀, 備用。
3.      免治豬肉炒至半熟。
4.      放入茄子, 加少許水, 蓋鑊蓋焗一會。


食譜來自: agnes capsule