估唔到我都整到雪榚!以為要用雪糕機呢d儀器先搞得掂~原來用打蛋器都得! (好愛我部打蛋器!!!
)整嘅過程唔難，我整咗精美食譜呀~~:步驟(3)係最需要注意嘅地方，一停手唔攪就會燶架喇! 我都差少少煮燶呀~好在救得番!!
顏色好深，因為我落了士多啤梨香油...又係唔小心重手咗少少...
至於味道~都好ok~我真係想像唔到我可以整到雪糕個質感出黎(痴咗，狂讚自己~~~)，好有滿足感!
有d乳酪味~雪多一晚味道更正!
細佬話好味~因為有大大粒士多啤梨肉!
不過硬咗少少，好難"畢"出黎~係咪因為打得唔夠空氣呢???
食譜來自:::愛與夢飛行的小小烘焙室::
(20-06-2007)
後記: 前日滿心歡喜請佢食雪榚...結果...佢第二日勁肚痾...經醫生診斷係腸胃炎...話佢食錯嘢...
我無牌營業...食環署就快黎拉我架喇...好驚......
哎呀~~~呢個好似好好玩喎~~~ 我又要試下先!!!!!!!!
回覆刪除咦,不錯的食譜呢,你個雪糕真係好正丫!
回覆刪除好勁
回覆刪除亞嘉 : 係呀係呀! 開頭整完個漿都覺得唔係好似樣，幾擔心呀! 最係係成功嘅~又增加咗整嘢食嘅信心! momo : 多謝你嘅讚賞~你會唔會考慮吓整呢個雪榚呀? 整d其他味，等我又可以參考吓~~哈~~~ jiji : 我好鍾意食雪榚架~ 而家諗緊下次整乜嘢食~~~~heehe~~~~
回覆刪除可唔可以買雪糕呀!!唔使做喇我地
回覆刪除珍妮 : 如果我賣埋雪榚，咁我地咪變行家 ??! 一係你同我一齊出黎 partner 賣雪榚 啦 ~~~( 做小販 !)
回覆刪除原來可以放入乳酪喎!!比你提醒我添,我都要做呀!!!!
回覆刪除你用忌廉定係鮮奶呀!!
回覆刪除Hallelujah YY Cake : 我用忌廉架! 加乳酪簡直係快靚正~唔知會唁會有高手自製乳酪黎整雪榚呢?? 我下一個目標係 雲呢拿 味呀~見到貓網有個譜，好似唔需要乳酪，睇吓會係咩味~~~
回覆刪除嘩，好好味喎，唔該我要芒果味吖
回覆刪除鹹濕、為食、無膽貓 : 我搵咗芒果雪榚個食譜喇! 遲d整咗請你食啦!!!
回覆刪除Woow...連雪糕都識整!!! 勁!!!
回覆刪除以下食譜係我好耐之前睇肥媽私房菜教整的, 你睇下有無用/ 作多個選擇吧。 榴 槤 雪 糕 材 料 ： 煉 奶 半 罐 、 一 盒 淡 忌 廉(大盒) 、 蛋 白 5 個、 榴 槤 四 個 去 核 製 作 方 法 ： 1) 把 煉 奶 倒 進 大 鍋 ， 再 加 入 淡 忌 廉 ， 用 攪 蛋 器 攪 勻 ， 等 忌 廉 企 身 , 約 十 多 分 鐘 即 可 。 2) 將 蛋 白 用 攪 蛋 器 攪 至 呈 白 色 企 身 起 泡 ， 約 2-3 分 鐘 即 可 。 3) 將 榴 槤 攪 成 醬 ， 把 蛋 白 及 奶 油 忌 廉 攪 勻 ， ( 不 要 再 用 攪 拌 器 ， 因 為 忌 廉 會 塌 下 去 ) 倒 進 容 器 ( 倒 進 去 後 最 好 稍 為 拍 幾 下 ， 不 留 虛 位 ) ， 蓋 上 蓋 放 進 冰 箱 完 成 。
回覆刪除靚靚煮飯婆 : THANKS!
回覆刪除即係話用煉奶代替咗糖&乳酪仲簡單咗~
咁仲係咪要隔30分鐘攪攪佢??
bluebluegirl : 你都得架~~~好易架咋~~~照我個譜做就冇失手架喇!!!
我好耐之前都整過~不過質感似雪葩…直至早排同攪拌機就似雪糕喇~^0^ 仲唔駛成日拎出黎攪驚有菌
回覆刪除蠍 : 我有睇過你嗰篇blog呀~~咁唔知雪葩又係點整架呢~~? 你就好啦~有雪榚機，貴唔貴同埋幾大部呢??
回覆刪除死伙 ! 相通........ 昨晚我又系想自己做 ............. 雪 糕 就系無部機 , 太好啦 ! 我又試 .
回覆刪除♡ღ♡ 茜姐 ♡ღ♡ : 我咁幫得手，整咗記住請我食啊~~~~
回覆刪除嘩，做你屋企人真好啊， 日日有新款東西食啊
回覆刪除車厘厘 : 實不相瞞，其實我唔係樣樣嘢 都 喺 屋企整架 ! 蛋糕、甜品好多都 喺 屋企整 ~ 但係媽媽唔俾我煮餸 ，因為會整到個廚房立立亂 ! 所以煮餸呢就多數去佢屋企整俾佢食架 ~~~ 佢真係幸福，呵呵 ~~~
回覆刪除唔需要再隔30分鐘攪攪佢的, 攪好就可以放入盒, 然後放入冰格即可
回覆刪除
回覆刪除靚靚煮飯婆 : 咁神奇?? 我唔食 榴槤，用芒果都得啩!?
但我啱啱update咗個後記...你睇吓...我唔知仲整唔整雪榚好...