星期日早上整個早餐黎食，實在太優雅喇，哈哈~~~~
結果係: 煮足一粒鐘，仲未計之後要洗嘅一大堆碗碟!
冇個譜喺手，用另一個譜改一改都OK冇問題~~~
直到佢施施然喺房行出黎，問咗我一: "點解整 pancake 咁搞笑，早餐唔係應該食奄列架咩??"
我即時如夢初醒呀! 我其實係諗住整奄列，唔知點解會用咗pancake 個譜....諗吓諗吓，我好混淆，兩者嘅分別係乜? 我唔知道呀!!!
唔知係咪心理問題，食食吓我覺得個pancake 有d怪，甜甜地好似同d雞肉唔多夾...
如果以一個pancake 嘅角度睇，其實幾好味架! 我仲煎得好靚! 靚過我預期呀!
後尾搵番個譜，個菜名係 "雞肉班戟".......我越黎越混淆喇..... >.<
--------------------------------------------------------------------------------------------------------------------------
材料
鮮奶 250ml、雞蛋2 、麵粉1 杯、雞柳絲、火腿絲、磨姑片、牛油溶液1 杯
調味料
砂糖2 湯匙、鹽1/4 茶匙
烹調方法 1. 將麵粉篩在一深碗內,加入半杯鮮奶,糖及鹽慢慢地拌勻.
2. 再加入餘下的半杯鮮奶,並將雞蛋打散一齊用加入,攪成糊狀,最後加入牛油溶液.
3. 燒熱平底鑊, 炒熟雞柳絲及火腿
4. 落油加入適量的糊，用慢火煮成班戟.
5. 將雞柳絲、火腿絲、磨姑放在班戟上,對摺即成.
食譜改篇自呢度
見個TOPIC, 我仲以為係小忌廉3角形果款tim...點知原來係奄列形班戟tim.
回覆刪除Stweetcat : 奄列形班戟 ??! 我越黎越混亂喇! 究竟" 奄列 "同" 班戟 "有咩分別?? 好蠢...就好似我唔識分 獅子 同 老虎 咁...(笑死人...)
回覆刪除好食冇?
回覆刪除bluebluegirl : 幾好架! 不過我整嘅份量太多，食食吓有d"漏"!
回覆刪除哈哈~ 呢個有笑點！ 開頭睇張相就真係覺得係 pancake，但睇睇下…又覺得可以叫奄列 @_@ 我諗個味道應該幾搞笑。。。
回覆刪除Cherie .果子 : 你都話搞笑呢? 我諗個譜係整pancake嘅，我應該整 薄 d，咁就似樣喇! 奄列 應該唔駛落 麵粉 ，只係用蛋煎個 皮 然後包住d材料就得喇! 等我記實佢先......
回覆刪除個PANCAKE餡真係好似奄列...hehe 我自已則喜歡pancake作甜點
回覆刪除我點都係喜愛吃甜的班戟多ｄ．．
回覆刪除車厘厘 : 我今次蝦碌整咗個 班戟型奄列 ，下次唔知會唔會唔小心整個 奄列型班戟 呢??? 我真係超低能...哈哈~~~~~ 傑他他老伯 : 班戟好好味呀! 我鍾意包d 生果 食，但要 走cream ~因為我唔食cream嘅~~~
回覆刪除