火都黎!
極優雅嘅"扮意大利飯"，就係俾天真同傻嘅白老鼠先生摧毀了!!!
呢個飯嘅concept係用豆漿黎炒飯~整出黎嘅風味就好似高貴嘅意大利飯咁~真係"平民扮上菜"!!!好吸引!!!! 原譜用海鮮 - 2隻蝦、2粒青口2粒帶子...點買呀???我就轉買咗一包幾足料嘅急凍海鮮，d蝦都算大隻!
煮嘅過程好好玩~好優雅! 食落大蚊覺得超好味超有水準~好有西餐感覺! 自己煮又好足料! 正呀! 可惜白老鼠先生就係劣評.....彈到一文不值....好話d飯冇可能咁硬、又話我overdone......搞到我黑晒面!
其實唔係話輸打贏要~只係接受讚美唔聽批評，只不過個問題係當我覺得超好味，我唔會認同佢嘅批評.....雖然我知佢唔太喜歡食意大利飯，但點解兩個人嘅味覺差咁遠???好神奇.............
我之前講過，我希望煮d餸會啱佢口味好過啱我口味~今次真係應晒啦~得我喜歡食~搞到有咁嘅下場!
我仍然極力推介大家試試呢個! 如果大家鍾意食，就即係企喺我嗰邊，否則....你就係企佢嗰邊，我唔制呀!!!
相關閱讀: 豆漿除咗煮飯仲可以煲湯: 豆漿濃湯
精美食譜:-
食譜來自: 蘋果日報
e? 用熟飯煮架? 咁點解會硬?
回覆刪除屋企有包意大利米,用過一次, 佢都唔鍾意食…不過係佢煮既XD 等我搵日再試下煮先
我唸你呢個都可以一試呀, 同炒飯差唔多, 只係蛋變左豆漿, 又有蒜又有蔥應該幾O岩食, 不過海鮮我鍾意用龍利柳, 屋企仲有包急凍帶子, 上次煮白汁意粉時整過, 加埋煙肉好香好惹味架~
[版主回覆03/20/2008 22:34:00]冷飯~可能因為咁佢覺得硬??唔同d男仔唔鍾意食意大利飯???
配海鮮真係好好味! 推介!
回覆刪除Morning! 大契! relax relax relax
唔好咁勞氣....傷身又傷心呀!!!
呢個我又好鍾意喎, 豆漿都可以煮飯, 實在係 good take 丫 , 佢唔 like 我食丫....
p.s. 會唔會佢唔 like 豆漿味呢?
[版主回覆03/20/2008 22:35:00]我都知你僧喜歡! 我地心靈相通架嘛!
佢最鍾意食豆腐~唔僧唔like豆漿啦!!!
口味呢家野好難講ge .唔好咁la
回覆刪除什麼是牛至 ?
[版主回覆03/20/2008 22:38:00]謝謝你!
牛至 = oregano，香草的一種~其實用邊隻都得架~
我睇jamie oliver學架! 個發音大槪係" 餓驚奴 "!
個樣好得 wor，個飯睇落都唔似好硬呀！不過口味呢家野，就真係好難講既，好似我家老爺同大小姐就唔鍾意食飯，全家淨係我一個係飯桶咋。
回覆刪除[版主回覆03/20/2008 22:38:00]飯我都係一時時~可以連續好多餐都唔食~哈哈~
可能我係傳統 Chinese (俗稱老土 ) , 我都會站在白老鼠先生一邊, 意大利飯本身都唔好食架啦, 仲用豆漿黎炒, 好難接受, 中國炒飯好食好多,
回覆刪除不過創意方面係 very good!!
[版主回覆03/21/2008 01:16:00]噢....唔係朋友......講笑咋!!
我比較鍾意玩嘢~呢個唔知算唔算成功!
啲飯既樣真係唔似甘硬喲! 不過用豆漿煮飯應該都好香豆味架! 我覺得會好好食架喲!
回覆刪除[版主回覆03/21/2008 01:15:00]真係好正架! 可能我鍾意食湯飯，個感覺其實都有d似呢!!
我煮咗個芥菜肉片湯飯...唔知點解覺得菠蘿同芥菜好夾, 好想發揮"亂煮一通"精神, +d波蘿落去...事先報告俾貓之男聽...等佢有定心理準備... 點知佢講: 您仲記唔記得豆腐蛋餅... 結果...菠蘿被cancel咗!
回覆刪除豆醬個味來煮飯 我都好想試 一定個味好突出
回覆刪除用甜定咸 ????????
[版主回覆03/21/2008 01:21:00]甜架! 我去街市豆腐檔買一定用黎飲一樽樽嗰d~
呢個又真係幾吸引喎 個樣又得!! 有時要煮野一齊岩口味都幾難架.. 我初初都會為左咁好頭痛 問佢又話無所謂 到食果時又呢樣又果樣 D人就係咁架喇....
回覆刪除[版主回覆03/21/2008 01:19:00]其實我知佢鍾意豆腐，唔鍾意意大利飯，咁諗住博一博~點知反應咁極端!
個人口味問題啦, 我都係咁, 我覺得好味, 但太太有時會覺得唔啱食
回覆刪除我已經唔登佢話唔好味個啲啦, 哈哈哈
豆漿, 無味個啲? 定係甜呀?
[版主回覆03/21/2008 01:21:00]街市豆腐檔買用黎飲一樽樽嗰d~煮唔晒就攞黎飲! 味道少少甜!
話時話我都想試下用豆漿煮飯係咩味....
回覆刪除[版主回覆03/21/2008 01:23:00]拿，你老細唔啱食唔好鬧我呀!
但平時炒飯都係用冷飯架啦
回覆刪除[版主回覆03/21/2008 01:23:00]係囉! "r"晒頭都唔明點解佢覺得硬!
大契, 佢唔岩食點解要鬧你啫....最多都係佢話我, 我又鬧佢之麻....
回覆刪除[版主回覆03/22/2008 15:28:00]佢衰呀! 呢排我唔煮俾佢食喇~自己煮俾自己食~~`
抵罰! 不過一陣好喇!
回覆刪除唔係你又心痛啊!
[版主回覆03/25/2008 13:51:00]琴晚有煮，佢都生性冇批評我~
我同佢講咗你老細好醒，識得話"係你整就幾好味啦"咁~睇吓侉學唔學到野啦~~
哈 ....咁佢有咩反應先?
回覆刪除[版主回覆03/26/2008 20:55:00]沉默是金啊!!!!