生磨雪耳雪梨露

 

呢個真係糖水入門呀! 超級易煲，烹調時間亦十分快!
冬天真係要食多d糖水滋潤吓，呢款糖水都唔算肥，主要睇你落咗幾多冰糖啦! 主要材料- 雪梨本身已經好清甜，滾一滾就食得，唔駛好似煲豆咁成日都唔熟，西米又煮極唔透明，仲要煲乾水痴晒底呢!

味道都幾好，口感唔錯，不過食譜話要刨絲，我就太懶刨唔成絲，似係刨片多d!咁就多d嘢咬吓囉!

搵食譜時發覺原來雪梨露可以有唔同變化，例如加杞子啦、馬蹄啦、仲可以係凍檸檬雪梨露~我今次就加咗雪耳，效果都幾唔錯呢!

精美食譜:-


食譜來自: 靚靚煮飯婆