太忙喇~而家先得閒post番d聖誕作品出黎呀~~~
其實個食譜同聖誕節係冇關嘅，只係我喺聖誕整咗呢款曲奇俾d同事食~當係小禮物咁啦!
各位忠實fans應該有印象，我之前都整過呢隻曲奇，點解又重複再整???因為呢份禮物不容有失，萬一整咗一大堆狗餅出黎就唔知點算!!! (大蚊好少咁穩陣架!!成日都係衝衝衝，心口掛個勇字呢!) 呢款係整過幾款之中最成功最好味架~所以就揀咗呢隻喇!
蝦碌事件: 返到屋企先發覺冇牛油! 得番好細舊，唔夠整啦! 即刻急call媽媽，咁啱佢喺超市買緊嘢，遙控order買磚冇鹽牛油先~~~~嘩! 真係打劫，總統牌200g要33蚊~唔好去搶???不過佢獨市，唯有向現實低頭....
安慰自己，貴d嘅牛油會整得好味d....係咪好阿Q???
是次挑戰難度在於: 個爐太細! 整60幾粒曲奇我一共焗咗5轉!!! 冇辦法，個焗盤一次只可以擺12-13粒，我就係咁焗，好累啊!
今次就幾條麵糰雪硬切片，效果好一點，起碼易切d，不過切嘅時候都係變形，最後d作品都唔係圓形嘅!
焗出黎，幾十粒，好壯觀呀! 因為未試過焗咁多塊曲奇架!
入咗曲奇袋，加埋自家製標籤，份小禮物係咪都幾精緻呢??因為數量有限，又預唔到個份量 (d放假中嘅同事又返咗黎公司~~)，所以呢個變咗限量版，好矜貴架!
食譜:-朱古力粒曲奇
你應該send d 過黎pp 比我地嘛
回覆刪除[版主回覆01/04/2008 21:08:00]要等我整好d先可以請你食啊! 而家都仲係試驗階段，唔係次次都得架!
我覺得牛油對曲奇的效果係有影響ga. 始終牛油成份較多ma
回覆刪除不過而家d牛油真係貴咗好多呀!! 唉........
[版主回覆01/05/2008 00:55:00]最近我又試咗隻新牛油，三十幾蚊有450g，希望效果ok啦~
另外銀寶都ok，廿幾蚊200g，惠康價~
H a P p Y N e W Y e A r
回覆刪除[版主回覆01/05/2008 00:56:00]謝謝你! 新年快樂!
$33 真係好貴呀
回覆刪除$33 真係好貴呀
回覆刪除[版主回覆01/05/2008 00:58:00]簡直係明搶!其實都好希望超市可以賣多d整餅/整蛋糕用品，咁有時急起上黎都可以補倉! 都唔明點解二記可以賣咁平，超市反而咁貴!
好好味呀個樣
回覆刪除[版主回覆01/05/2008 00:58:00]幾時出來啊? 有機會可以請你食番舊!