有趣嘅煎鴨胸，我想整好耐架喇~不過唔知邊度有得賣，所以冇得整之嘛!
行過街市凍肉店，見到有包"煙鴨胸"賣，仲要係只係7大圓! 又即刻入番包先啦!
面對陌生嘅食材，我梗係要上網睇吓點煮先啦! 千祈唔好落油，因為鴨本身已經會出油架喇! 皮要向下煎，煎完先切片~~~
切片真係有d難度呢! 因為要連皮切，要好小心呢~~~ (之後證實切完先煎效果更好!)
味道好正，佢本身嘅味道已經好惹味喇! 我配埋個洋蔥汁意粉，好似唔多夠汁，不過濕濕地都可以接受嘅! 拌菜就係豆苗~清清地，配搭起上黎好似好多嘢食咁~正呀!
精美食譜:-
食譜來自: 大蚊
等我又買包鴨胸試下先!
回覆刪除[版主回覆01/29/2008 20:42:00]真係好好味~同出面餐廳食差唔多!
(唔係讚自己呀! 佢本身個味已經好正!!)
七蚊咁平??
回覆刪除[版主回覆01/29/2008 20:41:00]好抵呀! 好過整豬扒!!
$7 平成咁?!??? 嘩~係邊買架?!
回覆刪除[版主回覆01/29/2008 20:40:00]蝴蝶街市凍肉鋪~後尾見佳寶都有，唔同包裝，價錢都唔係好貴~~~
我超級想食煙鴨胸耶.....齋食都好好食耶!!!
回覆刪除[版主回覆01/29/2008 20:38:00]齋食???即係唔煎佢，凍食呀????
煎完先切好d, 肉汁先可以保留呀
回覆刪除難切應該係太熱, 涼左d 先切應該會好d呀
不過個買相真係好掂呀, 我要order 1碟呀
[版主回覆01/30/2008 22:11:00]切到甩晒皮，又"辣"手~好鬼熱~
多謝你幫襯呀! 我會再整架! 不過會加汁!
哈哈哈 ...千其唔好話比人聽呀)))))
回覆刪除[版主回覆01/30/2008 22:10:00]堅架???等我又試吓!!!
To my friend~
回覆刪除嘩~ 我好肚餓呀!!!
我要試大蚊既新菜色~ 哈哈哈
[版主回覆01/30/2008 22:09:00]頭先睇新聞~荃灣得7度~i am freezing~~~~!
好鍾意試新菜式~貪新忘舊呀~~~
大蚊既新菜色太多…我學唔晒添~ 哈哈!!
回覆刪除呢個時間，沙田都只係得7度…
新聞話聽日仲凍D呀~ (我要去買暖包了)
[版主回覆01/31/2008 19:06:00]暖包都好~記住唔好買"電暖水袋"，好危險呀!
最緊要包實條頸~暖好多啊!
我又想試下整鴨胸喎, 難唔難煎？
回覆刪除[版主回覆01/31/2008 19:06:00]唔難啊! 我後來試過先煎後切，感覺易d!
回覆刪除我唔怕疴耶....你怕唔怕先...
其實我連丸丸呀, 紅腸呀, 小紅腸呀, 都係雪櫃攞出黎就食架喇...hehehehe~~~ 我 honey 成日都鬧鬼我架!
[版主回覆01/31/2008 19:08:00]咁搞笑???凍喎好食咩?
上次先低B，話驚條腸唔熟，俾阿蠍提我其實d腸係熟架.......
我貪方便麻....有時餓餓地又懶得開火咪是但攞出黎食囉!
回覆刪除[版主回覆02/01/2008 19:56:00]起碼都要叮叮佢嘛~肚痛點算?
天氣凍呀! 記住食多d熱嘢!