自己整就知道有幾肥! 真係要用好多油先至煎得到....其實係炸....應該叫"炸釀三寶"!
去買鯪魚肉，問阿姐"點賣呀?"，阿姐好好人，話廿蚊斤，不過買5蚊都可以，跟住我就好豪氣咁話"咁要一斤唔該!"，點解買咁多呢? 因為我要喺屋企開個"煎釀三寶工場"囉!!!
上面第一張相係我地兩條友食嘅午餐份量，十舊其實都食唔晒呢~~~~我一共整咗大約50件，剩低嗰d係攞去燒嘢食用架!!!
煎鑲三寶山~~~~~~~~~~~
BBQ 都得? 真係得喎! 燒熱番好好味架!
我仲低能到問人: 我應該釀完d魚肉落去就攞得去燒，定係要煎熟咗先燒......我問嘅問題實在係太無聊喇!!!
冇落蔥花，因為我唔食!!哈哈~~~三寶兩食~真係方便又簡單呀!
三寶心得: 我問婆婆，三寶點整先整得好，又唔想咁油~婆婆就俾咗tips我~~佢話落油煎一煎，跟住又微波爐叮吓佢~咁就包佢熟又冇咁肥啦! 好有智慧喎!!!
精美食譜:-
食譜來自:美好廚房
紅腸!!!!!!! 好想食丫))))))))) 美國係冇紅腸架............ @@"
回覆刪除[版主回覆01/26/2008 11:35:00]原本想去你嗰邊多謝你個食譜~點知你仲快過我~
原來你住喺美國架??? 又識多一個外國朋友喇~愛死yahoo blog!
我果頭街市有 PACK 好的釀三寶 8 文 6-7 件, 好平, 樓下小食店炸好的兩文三件, 有時行過會整兩文過下癮, 但我只會用少少油煎, 然後加豉油豆粉獻汁焗蓋煮一陣, 包熟
回覆刪除[版主回覆01/26/2008 11:36:00]整完就知道有幾肥~唔會再去街邊食三寶喇!!!
真是超想吃呀>v<
回覆刪除[版主回覆01/26/2008 13:40:00] 隨便啦~整咗幾十舊啦~~~
嘩...大蚊...你整左成50件呀?! 整左幾耐呀?! 唔掛得之你叫自己屋企做煎釀三寶工場啦! 嘩哈哈...
回覆刪除[版主回覆01/27/2008 00:01:00]本來想一次過整晒架~後尾發現需時太耐~咁我咪先整10件做午餐嘅餸~食飽下午先整埋嗰40件囉!!!
喔! 先煎後叮又得喎, 你婆婆真係醒耶!!!!
回覆刪除[版主回覆01/27/2008 23:55:00]係呀! 我d雞翼雞脾煎唔熟都係要靠叮叮!
我婆婆真係"資深大廚"呢!!!
又係辦法喎!
回覆刪除[版主回覆01/28/2008 19:25:00]學藝不精~唯有出吓貓!!!
我都幾鍾意食三寶.但叫我係屋企整. 我又覺得太煩
回覆刪除[版主回覆01/28/2008 19:25:00]其實都唔難整嘅~魚又唔駛點醃~炸一炸搞掂!
我今日整咗兩寶, 實在太多啦, 今朝我同仔仔巳食咗一餐, 晚上一家人又食, 明早早餐及下午全家人都食先食得晒呀~!!
回覆刪除**
下次呢味野, 都係留返開 party 至會再整好d啦 ~!!
**
我發現一個方法同整法, 唔駛用太多油喎~!不過就冇咁乾身,
係個買魚肉既阿姐教架 ~!! 先落小小油起鑊, 跟住煎一陣等d魚肉梗咗後 (唔好太大火), 跟住落小小水 (真係小小就得架啦), 之後落糖同小小老抽, 煎乾水後熄火焗一焗佢, 咁佢就唔會用咁多油都得架啦, 而且仲冇咁熱氣tim 喎~!!
[版主回覆01/29/2008 22:09:00]下次買5蚊魚肉好喇!
今次係你教番我呢!!煎完用水焗真係好得~但唔知點解我煎嗰時唔醒起呢! 呢個方法可以用黎煎日式餃子、煮軟洋蔥、煎雞翼都得! 所以話，你整整吓就可以儲埋d技巧，慢慢就可以識煮好多餸架喇!
先煎過後叮一叮, 米女婆婆真喺醒! 我喺美國住, 沒得食. 謝謝你的食譜.
回覆刪除[版主回覆04/25/2009 01:50:00]家傳秘技呀! 哈哈!
有時d雞翼驚共驚煎得唔熟都會叮一叮!!!
美國有椒類啦? 有冇魚肉???? 冇就用免治豬肉頂住先???