之前整過一次藍莓芝士蛋糕，效果都唔錯! 今次整呢又蝦碌喎! cheese cake 都起粒! 唔知點解......個表面好唔平滑呀!
睇番上年個生日蛋糕 - 白朱古力慕絲凍餅 ，原來又係起咗粒! 呀!!!!!點解我咁失敗架????? 下圖係甩模之後個樣，好彩都唔係太睇得出~~~~旋風位亦甩得好好~因為加多咗d魚膠粉，硬身d所以甩模易d!
個餡大蚊改咗用新鮮藍莓，取代藍莓醬，呢期藍莓好平呀! 希望整出黎個感覺fresh d 啦! 餅底係另一新嘗試，焗咗個撻底，好開心，覺得自己"焗"緊蛋糕咁!!! (焗咗出黎，似唔似大餅啊???)
今次個cake又破咗紀錄! 12點返到屋企，整餅+焗餅底+雪+甩模+裝飾+寫食譜+寫blog一take過~結果搞到3點幾! 哈哈~
精美食譜:-
食譜來自: Angel (撻皮底) & 大蚊
依家Ｄ藍莓真係好平，妳個cake個形好靚,好想食呀!!
回覆刪除起粒?會唔會係芝士打得唔夠滑呀?或舊芝士雪硬左少少,難打滑d呢?
我前果日整左2個藍莓cake,第一個打得好滑,可能放室溫夠耐,但到第2個,就起左粒喇,因舊芝士個心雪硬左少少!!
[版主回覆07/19/2008 23:25:00]惠康 $7.5 一盒好正! 我買咗2盒整呢個餅囉!
你都講得啱! 可能係芝士問題，希望7下次整得好d啦!!!!!
連埋寫blog 都係三個鐘. 真係好快手喎
回覆刪除[版主回覆07/20/2008 17:44:00]我心急嘛~哈哈~
一次過整晒咁多個steps好好玩~但好累呢!!!
你個模做出黎個cake 幾靚喎! 不過甩呢d模我覺得好難啊...
回覆刪除[版主回覆07/23/2008 20:30:00]係呀~我都唔係次次甩得靚呀!!!
但用呢個模就唔駛諗多裝飾囉!!!
呢個皮底做法真係好簡單啊 , 想問同時用來做蛋達底/ 批底可以嗎?
回覆刪除[版主回覆09/13/2008 23:34:00]都冇問題!
不過呢個未算係perfect ingredient，整出黎唔夠脆! 你有冇d好味批底嘅recipe可以介紹吓???
呢個皮底做法真係好簡單啊 , 想問同時用來做蛋達底/ 批底可以嗎?
回覆刪除