咖啡慕絲凍餅 coffee mousse cake

 

 

8 點幾先放工，一食咗飯就開工喇!真係勤力!

做小型凍餅，根據blog 友之前教路，用透明膠file 到可以做到mousse ring，剪剪貼貼到總算整得到! 幾企身架!
是日蝦碌: 原本想整好茶mousse 架，萬事俱備之下(撈晒粉, 打晒cream)，想話沖奶茶先發覺冇茶包~ 激到我丫!
臨陣轉軚，造咖啡mousse 啦! 本黎到好smooth 架，不過一撈cream, 又出事啦-- 個漿又起粒粒!
上次白朱mousse 都有同樣情況!唔通係d 朱力出事?我唔知, 總知超樣衰!


好彩份量只夠做3 件, 再多d 我點去貨...凹凸不平, 唔靚...
我以唔敢買1litre o既cream 啦，就因為佢，我已經焗住喺7日內整咗5款cake，今個星期又好忙，差唔多日日放工都有街要去，返到屋企再開壇，跟住要寫食譜，畫返相框，第2日又狂上網搵食譜，體力透支得好緊要!
好似呢個咖啡餅咁，失敗咗要即刻轉軚，整另一樣，為時已是12 點幾! 好眼訓好眼訓zzzzzzzzzz...
預計下星期整多一款就可以抖一抖，9月先再開壇!
睇吓!轉咗款呀!至於呢個係乜料?賣下關子先~~~~過幾日再上黎睇啦!寫唔切呀!
精美食譜:-



食譜來自: 對不起....忘了......