忍咗好耐，買咗cream cheese，1L 裝cream (希望用得晒!!)，同埋呢個模! 實在太靚喇! 整完個餅唔駛點裝飾都得!! 16蚊算ok啦! 諗都冇乜諗就買咗佢返屋企，立即開工!! (有關個模嘅介紹同用法，請睇呢度~)
我有幾心急?? 1點半買緊料， 2點半開始整，3點半整好，4點半嘗試甩模，飯都冇食呀!!!
覺得自己好似煮緊"巫婆湯"咁~又似喺lab玩溝嘢! 好綠呀個芝士漿!
甩模前很美:-
又有蝦碌嘢~(例牌架啦!
)，太心急，整完雪一陣就甩模，結果個面好似溶溶地咁，情急之下塞番個餅落個模，結果梗係花咗啦! 到第2次再甩模，已經冇咁靚喇! 後尾諗番，未必係雪得唔夠耐，可能我甩模時水太熱，攪到個面溶咗呀!!!甩模後，溶吓溶吓咁...
想同個餅遮瑕 ，灑咗d綠茶粉上去，但越整越衰....嗚嗚
心痛，原本整得好靚~功虧一簣...仲要攞出去見人......
點補鑊???想用朱古力舖面，驚越整越衰...(我d o即朱古力技巧時好時壞!)
喺最無助之時買咗盒士多啤梨，返去開工!
想學蠍批d靚靚士多啤梨粒，但唔太成功，最後諗到切d 片片黎舖面，效果都okay 啦!
食得啦!!! 味道超乎我預期呀! 芝士同綠茶味道好夾, 有d 火花咁喎!
男友評語一般...
覺得士多啤梨加綠茶唔多夾啦! 綠茶蛋糕太綠啦咁, 評語一般啦!
反而男友嘅家人似乎幾鍾意食, 好評啦!
我照單全收!少少美中不足, 底層蛋糕痴晒底(睇吓下圖就知!)，用平時d 模冇咁嘅情況，唔知點解!
精美食譜:- (好綠...
)
食譜來自: 小鈺
都整得好靚呀! 魚膠片係咪乾身時攞去磅下, 睇下係咪6g 呢? 還是浸軟之後計 6g呢?
回覆刪除
回覆刪除靚靚煮飯婆 : 魚膠片好方便架 ! 買嗰時個包裝有寫佢嘅重量，例如我嗰包係 ”8 塊 20g” ，咁即係 1 塊 2.5g 啦 ! 咁要 7.5g 就用 3 塊 ~ 完全唔需要去磅 ! 好方便 !!!
用過魚膠片就唔會鍾意用魚膠粉 ~ 魚膠粉個份量好難就 ~2g…. 點磅呀 ! 我唔係用電子磅架 ~ 有時話用 ”1 茶匙 ” ，都唔係咁易就 ! 落水嘅比例亦唔係咁清晰，次次撞手神，失敗機會大增 ! 我未試過用魚膠粉做到好味嘅 mousse~ 用魚膠片第一次就整到 ! 不過計落魚膠粉會平 d ，如果整 d 榚點係要 15-20g 魚膠，咁用番魚膠粉都 ok!
真係幾得意幾方便喎~~ 我覺得綠茶同豆腐蛋糕都係好難裝飾, 佢地同生果都唔多fd…只同紅豆fd… 你d士多啤梨都鋪得好靚呀~^^
回覆刪除蠍 : 你d士多啤梨靚好多喎!! 我本來想好似你咁整幾粒擺喺面~但真係唔夾...最後是但鋪d寸片喺面，效果都ok~~~不過顏色太搶....有少少娘呀... 你點知我昨晚整咗豆腐cheese cake架??? 我用咗朱古力粒做裝飾呀~不過未得閒出post住~~~~~
回覆刪除我岩岩想問...點解會有 d 細細既 "loan" 仔添....唔緊要喇, 有人讚好食咩都補番晒喇!
回覆刪除bluebluegirl : 補番補番~~~heehee~有呢次經驗~我第2次整靚好多呀!
回覆刪除整得好靚啊, 可惜我唔太好甜品, 無緣分享
回覆刪除小蚊 : 唔緊要啊~~~~咁你咪唔驚肥囉! 我就又怕肥又要整又要食~~~哈哈~~
回覆刪除我都買左呢個模，想今晚試整~~ 據網友講，呢個模甩模前放冰格雪一陣會甩得靚好多，我試完話你知得唔得丫~~ 不過都係解開唔到綠茶不綠之迷啊~~~~~
回覆刪除第一次用可能未掌握到 不過你一定會成功既 奸爸嗲
回覆刪除我至喜歡綠茶味 請件我食好嗎
回覆刪除最怕就係甩模甩得唔靚.最後一步衰咗.好唔抵ga ma
回覆刪除我上次整 豆腐芝士蛋糕 都只能夠用朱古力裝飾…唔係都唔知用咩裝飾好:p 今晚整左麵包, 終於上色喇~~~ 用呢個爐都係第一次上色咋~~不過個底都係厚左d…可能時間長左
回覆刪除嘩！全綠的，很搶眼，味道會不會很濃烈呢 ？
回覆刪除睇見就想食喇~ 我最鍾意食cheese cake 今次整完, 下次一定整得仲靚啦~ 好心急睇你整下一個cake呀
回覆刪除小鈺 : 因為我呢個整得太急，全程都係雪喺冰格，所以我都唔需要做"放入冰格"呢個動作，哈哈~~~綠唔綠真係好鬼"謎"喎~~~
回覆刪除為食史路比 : 我已整咗第2次，效果好好多~~~謝謝鼓勵!
咖啡甜心 : 當然可以啦!! 開頭仲驚會有苦味，好彩效果好好呢!!!
小豬碧碧 : 咪就係囉! 有時可以補救嘅~好似呢個咁搵d嘢鋪上去，不過個扭紋邊就整唔番囉!
蠍 : 咁要請我食麵包喎~heehee~今日出咗街，冇得開壇整餅，嗚嗚..........
歷奇 : 確係比我想像中綠~綠茶同芝士味道都搶，反而互相制衡咗(講到好玄!!)，味道很好呢!!!
~ 豬妹 ~ : heehee~未得閒post相~要過一兩日呢~~~~~
回覆刪除多謝
回覆刪除個形狀真你好得意ar
回覆刪除咖啡甜心 : 唔駛客氣啦 !! FUNPUCCA : 買 咗呢個模，可以偷懶唔駛整咁多裝飾，擺出黎都嚇得吓人架 !
回覆刪除嘩...個模真係好好用呀,你整得好靚
回覆刪除你巳經好叻架啦 食得咪得囉
回覆刪除＋２簡單就是快樂 : 謝謝你! 好想瘋狂咁用呢個模整餅呀!! ★★HELEN★★ : 哈哈~都幾食得吓架真係~估唔到味道咁夾~~
回覆刪除個餅模又幾得喎, 唔洗點裝飾都 ok 喎
回覆刪除bluebluegirl : 你都買番個玩吓啦! 荃灣好近呀!!
回覆刪除甩得好靚呀
回覆刪除藍藍細雨 : thanks!
回覆刪除你個蛋糕都整得好靚阿,其實呢個模容唔容易甩阿,我都有個差唔多係咁,不過係三角形的,放左係度大半年都未開封過,見到你整又想試下攞黎整下^^
回覆刪除可能真係d水太熱溶溶地，但都好靚，可以留番舊比我嗎
回覆刪除
回覆刪除kiki : go!go!go! 我買嗰時見到有個五角型 (星型)架~唔知會唔會似你個模???嗰個就有位可以做鋼面~諗諗吓我又心動喇...heehee
鹹濕、為食、無膽貓 : 噢.....全部售罄了.....不好意思~~~但我有另一個整得仲靚d架~~~留番俾你!!!
我都買左呢個模, 不過仲未「的」起心肝去試, 聽日試下你個食譜先得。
回覆刪除Ivy : 快d整啦! 整完話我知! 加油呀!!
回覆刪除我又用左呢個模整喇~ 不過今次無雪冰格，甩得唔靚啊~~
回覆刪除小鈺 : 唔好意思呀! 我急住搵你呀! 已在你blog留言!希望你睇到!(p.s.你整咁多餅~請我食件啦~~~我要幫你去吓貨呀~)
回覆刪除綠茶味的芝士蛋糕我真係未做過喎!!!
回覆刪除Hallelujah @YY Cake : 幾好味架! d人通常配埋紅豆整兩層架~不過我懶~~~哈哈~你都試吓!
回覆刪除hihi.我想買這個模呀,請問係點嫁?
回覆刪除[版主回覆03/24/2008 10:40:00]膠質慕絲模 Colloid Ring
唔知二記有無呢.等我去看下先你在那買嫁?
回覆刪除[版主回覆03/24/2008 13:07:00]二記我冇乜印象添....好似唔多覺喎~~~
請問你在那買的,我去入貨先!! 釘釘釘橋^^
回覆刪除[版主回覆03/25/2008 20:06:00]http://www.orangebakingstore.com/tool_chest/tools.htm
荃灣
你個蛋糕好靚呀>>>我想問下你是用邊隻綠茶粉嫁(係邊度買)....我次次都上唔到綠色
回覆刪除[版主回覆11/23/2008 20:22:00]我係荃灣友，喺ORANGE BAKING買架！ http://www.orangebakingstore.com/
佢自己加工包裝，睇唔到牌子呢! 但呢隻綠茶粉真係好好用! 我都唔敢轉其他呀!!!