第3次整曲奇，成功咗呀!
揀咗花生醬曲奇，好似幾易整咁呢~特登走去買咗"發粉"，其實都唔知係咩黎，博一博睇吓買唔買得啱!
因為驚失敗會"晒料"，所以份量減半，點知"蛋1隻"呢個份量忘記減半，幾驚又會失敗呀! 最後效果都ok!
出爐香噴噴，見佢發大咗好開心，覺得好神奇，又好似好抵咁喎! (低B!)哈哈~~~
味道幾得意，粗粒花生醬整出黎嘅曲奇好有口感呢!!!最正就係超鬆化，好好味呀!!!!!
不過呢佢好似好快就冷卻落黎呢~~~之前整麥皮曲奇好似擺成半個鐘都仲暖架!
第2日請同事食，已經冇咁好味喇......
精美食譜:- (減半份量，可整約15粒)
食譜來自: Yahoo知識
我覺得曲奇呀.拿破崙呢d 野. 最好味就係啱啱出爐ga la
回覆刪除我比較少整曲奇. 今個星期都玩下先
[版主回覆11/16/2007 12:08:00]咁點請人食啊~
我成日整埋d嘢食都請唔到人地食~~~好似凍餅呀~cookies呀咁~~唔開心~~~
點解請唔到人食?? 未必係最好狀態啫. 但都ok la
回覆刪除我學校有學生ma .佢地好似蝗虫咁ga . 有時我覺得整差咗. 佢地都話好好味.haha
[版主回覆11/16/2007 19:10:00]因為呢.....淋咗....就真係唔好味......但又好難話一晚焗20塊cookies然後即刻食晒佢........唔知點好~~~
好靚喎! 我黎緊都會玩下曲奇先得!
回覆刪除[版主回覆11/16/2007 19:09:00]快d快d!!! 好心急想睇吓!
正wor~~ 請問你係唔係掃牛油係個錫紙度呀? 定係其他油?
回覆刪除[版主回覆11/16/2007 19:09:00]我用瞰欖油呀!!
我仍在摸索當中, 第 1 次出品有 d 硬 "掘掘", 所以停左冇再研究...俾你 "挑" 起條根之後, 我想會下星期試試先得...不過我想整唧花曲奇耶, 咁分量會唔會有 d 唔同呢?
回覆刪除[版主回覆11/17/2007 00:59:00]唧花咁高深??我未試過呀! 你快d整咗我可以偷師!
排到成條蛇咁, 但無蛇頭既?
回覆刪除[版主回覆11/19/2007 22:53:00]我就係蛇頭~!!哈~~~
試味！試味！我鍾意食花生醬，我放假就整，多謝晒！
回覆刪除[版主回覆11/19/2007 22:52:00]好呀好呀!!!! 真係好正架~~~加油!!!